దేశవ్యాప్తంగా కరోనా మహమ్మారి విజృంభిస్తున్న నేపథ్యంలో ప్రతి ఒక్కరు తప్పకుండా కరోనా జాగ్రత్తలు పాటించాలని అధికారులు సూచిస్తున్నారు. ప్రజలందరూ తప్పకుండా మాస్కులు ధరించి భౌతిక దూరం పాటించడం వంటి జాగ్రత్తలు తీసుకున్నప్పుడే ఈ మహమ్మారిని అదుపు చేయవచ్చు.అయితే ప్రజలందరూ కరోనా వైరస్ పట్ల నిర్లక్ష్యం వహిస్తూ కనీస జాగ్రత్తలు తీసుకోకపోవడం వల్ల రోజుకు కేసుల సంఖ్య అధికమవుతున్నాయి.
తాజాగా ఢిల్లీ వీధులలో ఓ జంట కరోనా నిబంధనలను ఉల్లంఘించి కారులో షికార్లు కొట్టారు. కనీసం మాస్కు కూడా ధరించకుండా కారులో వెళ్తున్న ఆ జంటను పోలీసులు ఆపి ఇదేమిటని ప్రశ్నించారు. ఢిల్లీలోని దరియాగంజ్ ప్రాంతంలో ఆదివారం సాయంత్రం 4 ఈ సమయంలో జరిగిన ఈ ఘటనలో ఆ జంట పోలీసులపై ఎదురు దాడికి దిగారు. నా కారు ఎందుకు ఆపారు? నా భార్యతో నేను కారు లోపల ఉన్నా అంటూ సదరు వ్యక్తి పోలీసులపై దురుసుగా ప్రవర్తించాడు.
ఇకపోతే అతని భార్య నా భర్తకు ఇప్పుడు ముద్దిస్తా.. నన్ను ఆపుతావా? అంటూ పోలీసులపై దురుసుగా ప్రవర్తించింది. ఈ క్రమంలోనే పోలీసులు తాజాగా హైకోర్టు ఇచ్చిన ఆదేశాలను వారికి తెలియజేస్తున్న నేపథ్యంలో వారు పట్టించుకోకుండా పోలీసులపై ఆగ్రహం వ్యక్తం చేయడంతో ఓ మహిళా కానిస్టేబుల్ అక్కడకు చేరుకొని సదరు మహిళను సమీప పోలీస్ స్టేషన్ కి తీసుకెళ్ళింది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
