Hamsa Nandini : హీరోయిన్ హంసా నందిని షాకింగ్ న్యూస్ చెప్పారు. త‌న ఆరోగ్యానికి సంబంధించి ఓ పిడుగు లాంటి వార్త చెప్పారు. త‌న‌కు వైద్య ప‌రీక్ష‌ల్లో క్యాన్సర్ ఉన్న‌ట్లు తేలింద‌ని చెప్పారు. దీంతో ఫ్యాన్స్ అందరూ ఒక్క‌సారిగా షాక్‌కు గుర‌వుతున్నారు.
హంసా నందిని తాజాగా ఓ సోష‌ల్ మీడియా పోస్ట్ పెట్టారు. అందులో సుదీర్ఘ‌మైన సందేశం ఉంది. దాంట్లో త‌న‌కు క్యాన్సర్ ఉన్న‌ట్లు చెప్పుకొచ్చారు. త‌న‌కు హెరిడిటరీ బ్రెస్ట్ క్యాన్సర్ పాజిటివ్ (BRCA 1) ఉంద‌ని చెప్పారు. త‌న‌కు 70 శాతం బ్రెస్ట్, 40 శాతం అండాశ‌య క్యాన్సర్ వ‌చ్చే అవ‌కాశాలు ఉన్నాయ‌ని గ‌తంలోనే చెప్పార‌ని.. ఈ క్ర‌మంలోనే త‌న‌కు బ్రెస్ట్ క్యాన్సర్ వ‌చ్చింద‌ని తెలిపారు. అయితే ఈ స‌మ‌స్య నుంచి బ‌య‌ట ప‌డేందుకు స‌ర్జ‌రీలు చేయించుకోవాల్సి ఉంటుంద‌ని తెలిపారు. కీమోథెర‌పీ, లుమ్పెక్టమి చేయించుకోవాల్సి ఉంటుంద‌న్నారు.
ఇప్పటికే కీమోథెరఫీ 9 సార్లు చేయించుకున్నానని, ఇంకా 7 సార్లు చేయించుకోవాల్సి ఉంద‌ని తెలిపారు. అయితే క్యాన్స‌న్ వ‌చ్చినా తానేమీ కుంగిపోన‌ని, తాను పోరాటం చేస్తాన‌ని తెలిపారు. ఈ స‌వాల్‌ను తాను స‌మ‌ర్థ‌వంతంగా ఎదుర్కొని తిరిగి వెండితెర‌పై క‌నిపిస్తాన‌ని ధీమా వ్య‌క్తం చేశారు. కాగా హంసా నందిని వ‌య‌స్సు ప్ర‌స్తుతం 37 ఏళ్లు కాగా.. ఈమె గ‌త కొంత కాలంగా ఇండ‌స్ట్రీకి దూరంగా ఉంటున్నారు. ప్ర‌స్తుతం త‌న త‌ల్లిదండ్రుల‌తో క‌లిసి ఈమె పూణెలో ఉంటోంది.
4 నెల‌ల కింద‌ట హంసా నందిని త‌న బ్రెస్ట్‌ళో చిన్న గ‌డ్డ‌ను గుర్తించింది. అప్పుడే అనుమానం వ‌చ్చింద‌ని, అది క్యాన్సర్ అయి ఉంటుంద‌ని తెలిపింది. కాగా 18 ఏళ్ల కింద‌టే త‌న త‌ల్లి బ్రెస్ట్ క్యాన్స‌ర్‌తో మ‌ర‌ణించింది. దీంతో వంశ పారంప‌ర్యంగా ఈ వ్యాధి సోకే అవ‌కాశాలు ఎక్కువ‌గా ఉంటాయి కాబ‌ట్టి త‌న‌కూ ఈ వ్యాధి వ‌చ్చింద‌ని చెప్పింది.
అయితే తాను కొంత కాలం నుంచి సోష‌ల్ మీడియాకు, ఇండ‌స్ట్రీకి దూరంగా ఉంటుండ‌డంతో అందరూ త‌న‌కు ఏమైందోన‌ని ఆందోళ‌న చెందుతున్నార‌ని.. త‌న ప‌ట్ల చూపించిన ప్రేమ‌కు ధ‌న్య‌వాదాలు తెలుపుతున్నాన‌ని చెప్పింది. క్యాన్సర్ అంటే తాను భ‌య‌ప‌డేది లేద‌ని, నిపుణులైన వైద్యుల ప‌ర్య‌వేక్ష‌ణ‌లో చికిత్స తీసుకుంటున్నాన‌ని వివరించింది. క్యాన్స‌ర్‌ను జ‌యిస్తాన‌న్న న‌మ్మ‌కం త‌న‌కు ఉంద‌ని తెలిపింది.
కాగా హంసా నందిని 2004లో విడుద‌లైన ఒక్క‌ట‌వుదాం అనే మూవీతో తెలుగు సినీ ఇండ‌స్ట్రీకి ప‌రిచ‌యం అయింది. 2018లో విడుద‌లైన గోపీచంద్ పంతం మూవీలో ఆమె చివ‌రిసారిగా క‌నిపించింది. ఆమె అనేక సినిమాల్లో గెస్ట్ రోల్స్ చేయ‌డంతోపాటు ప‌లు ఐట‌మ్ సాంగ్‌ల‌లోనూ న‌టించి మెప్పించింది. ఏది ఏమైనా హంసా నందినికి క్యాన్స‌ర్‌కు అని తెలియ‌డంతో అందరూ షాక్‌కు గుర‌వుతున్నారు.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…