Anushka Shetty : బాహుబలి.. ఈ సినిమా పేరు చెబితే తెలుగు ప్రేక్షకులే కాదు త‌మిళ ప్రేక్షకులు సైతం మైమ‌ర‌చిపోతుంటారు. తెలుగు, తమిళంతో పాటు ప‌లు భాష‌ల‌లో రూపొంది మంచి విజ‌యం సాధించి ఎన్నో రికార్డులు సాధించిన బాహుబలి చిత్రంలో అనుష్క.. ప్రభాస్ జోడిగా దేవసేన పాత్రలో కనిపించింది. ఇందులో మరోసారి తన అద్భుతమైన నటనతో విమర్శకుల ప్రశంసలు అందుకుంది. రుద్రమదేవిగా, భాగమతి.. దేవసేనగా తెలుగు సినీ ప్రియుల హృదయాలను దొచుకున్న అనుష్క.. వేద సినిమాలో సరోజ పాత్రలో సైతం అదరగొట్టేసింది. అయితే బాహుబలి సినిమాతో అనుష్క‌కి మంచి క్రేజ్ దక్కింది. దేవసేన పాత్రలో అనుష్క తన అందంతో పాటు అభిన‌యంతో అద‌ర‌గొట్టింది.
అయితే చిత్రంలో కథ నచ్చి అనుష్క సినిమాలో భాగం కాలేదు అంటూ తాజాగా రాజమౌళి ఒక ఇంటర్వ్యూ లో ఆస‌క్తిక‌ర విషయం తెలియ‌జేశారు.ఇదివరకే రాజమౌళి దర్శకత్వంలో అనుష్క రవితేజ హీరోగా నటించిన విక్రమార్కుడు చిత్రం మంచి హిట్ కావ‌డంతో ఈ సినిమాతో అనుష్క‌కి మంచి పేరు వ‌చ్చింది. అయితే బాహుబలి కథ ఏంటి అనే విషయం కూడా తాను వివరించలేదు అసలు రెమ్యూనరేషన్ ఎంత అని కూడా తాను ఏమీ మాట్లాడలేదు కానీ అనుష్క మాత్రం ఈ సినిమాలో భాగమయ్యారు.ఇలా కథ రెమ్యూనరేషన్ ఏవి మాట్లాడకుండా అనుష్క ఈ సినిమాలో నటించడానికి కారణం మరేది లేదు అంటూ రాజమౌళి ఆస‌క్తిక‌ర వ్యాఖ్య‌లు చేశారు.
ప్రభాస్ రానా, రమ, వల్లి కీరవాణి గారు వీళ్లంతా సినిమా చేయ‌గా, ఆ స‌మ‌యంలో చిత్ర షూటింగ్ ఒక వెకేషన్ లాగ ఉంటుందని వారందరితో గడపడం చాలా సరదాగా ఉంటుంది ఇలాంటి అవకాశాన్ని తాను ఎందుకు మిస్ చేసుకుంటాను అన్న ఉద్దేశంతోనే అనుష్క ఈ సినిమాలో నటించింది అంటూ రాజమౌళి తెలిపారు. ఏది ఏమైనా ప్రభాస్ అనుష్క ఇలా బాహుబలి సినిమా ద్వారా ప్రేక్షకుల ముందుకు రావడంతో అభిమానులు కూడా ఎంతో సంతోషం వ్యక్తం చేశారు.
