స్టేట్ బ్యాంక్ ఆఫ్ ఇండియా (ఎస్‌బీఐ) దేశ వ్యాప్తంగా ఉన్న త‌మ బ్యాంకుకు చెందిన 18 స‌ర్కిళ్ల‌లో క్ల‌రిక‌ల్ క్యాడ‌ర్‌లో ఖాళీగా ఉన్న 5000 జూనియ‌ర్ అసోసియేట్ పోస్టుల భ‌ర్తీకి నోటిఫికేష‌న్‌ను విడుద‌ల చేసింది. ఆస‌క్తిఉన్న అభ్య‌ర్థులు ఎస్‌బీఐ వెబ్‌సైట్ sbi.co.in/careers ను సందర్శించి ఈ ఉద్యోగాల‌కు ద‌ర‌ఖాస్తు చేసుకోవ‌చ్చు. ఎస్‌బీఐ క్ల‌ర్క్ రిక్రూట్‌మెంట్ 2021 ద‌ర‌ఖాస్తు ప్ర‌క్రియ ఏప్రిల్ 27న ప్రారంభం కాగా మే 17వ తేదీ వరకు ఇందుకు గ‌డువు విధించారు.
ఈ ఉద్యోగాల‌కు ద‌ర‌ఖాస్తు చేసే అభ్య‌ర్థులు ఏదైనా ఒక రాష్ట్రంలో మాత్ర‌మే ద‌ర‌ఖాస్తు చేయాల్సి ఉంటుంది. ఎస్‌బీఐ క్ల‌ర్క్ ప్రిలిమిన‌రీ ఎగ్జామినేష‌న్‌ను జూన్‌లో నిర్వ‌హిస్తారు. మెయిన్ ఎగ్జామ్‌ను జూలై 31వ తేదీన నిర్వ‌హిస్తారు.
ఎస్‌బీఐ క్ల‌ర్క్ రిక్రూట్‌మెంట్ 2021: ముఖ్య‌మైన తేదీలు
- రిజిస్ట్రేషన్ ప్రారంభం అయిన తేదీ : 27.04.2021
- అప్లై చేసేందుకు చివ‌రీ తేదీ: 17.05.2021
- ప్రిలిమ్స్ ఎగ్జామ్ తేదీ: జూన్‌, 2021
- మెయిన్ ఎగ్జామ్ : 31.07.2021
అభ్య‌ర్థులు sbi.co.in/careers అనే సైట్‌ను సందర్శించి అందులో జాయిన్ ఎస్‌బీఐలో ఉండే క‌రెంట్ ఓపెనింగ్స్ అనే సెక్ష‌న్‌లోకి వెళ్లాలి. జూనియ‌ర్ అసోసియేట్ పోస్టుకు అప్లై చేసేందుకు లింక్‌పై క్లిక్ చేయాలి. త‌రువాత కొత్త‌గా రిజిస్ట్రేషన్ చేసుకోవాలి. అనంత‌రం ఫాం నింపాలి. సంబంధిత ప‌త్రాల‌ను అప్‌లోడ్ చేయాలి. అప్లికేష‌న్ ఫాం రుసుమును చెల్లించాలి. త‌రువాత ప్రింట‌వుట్‌ను తీసుకోవాలి. మ‌రిన్ని వివ‌రాల‌కు పైన తెలిపిన వెబ్‌సైట్‌ను సంద‌ర్శించ‌వ‌చ్చు.
