మొబైల్స్ తయారీదారు టెక్నో భారత్లో కొత్తగా టెక్నో స్పార్క్ 7టి పేరిట ఓ నూతన స్మార్ట్ ఫోన్ను లాంచ్ చేసింది. ఇందులో 6.5 ఇంచుల హెచ్డీ ప్లస్ రిజల్యూషన్ కలిగిన డిస్ప్లేను ఏర్పాటు చేశారు. మీడియాటెక్ హీలియో జి35 ప్రాసెసర్ను అమర్చారు. 4జీబీ వరకు ర్యామ్ లభిస్తుంది. ఈ ఫోన్లో వెనుక వైపు 48 మెగాపిక్సల్ మెయిన్ కెమెరాకు తోడుగా మరో ఏఐ ఆధారిత కెమెరాను అమర్చారు. ముందు వైపు 8 మెగాపిక్సల్ కెమెరా ఉంది. ఈ ఫోన్లో ఆండ్రాయిడ్ 11 గో ఎడిషన్ను అందిస్తున్నారు. దీంట్లో డెడికేటెడ్ డ్యుయల్ సిమ్, మైక్రో ఎస్డీ కార్డు స్లాట్లను అందిస్తున్నారు. అలాగే 6000 ఎంఏహెచ్ బ్యాటరీ లభిస్తుంది.
టెక్నో స్పార్క్ 7టి ఫీచర్లు
- 6.5 ఇంచ్ హెచ్డీ ప్లస్ డిస్ప్లే, 1600 x 720 పిక్సల్స్ స్క్రీన్ రిజల్యూషన్
- 2.3 గిగాహెడ్జ్ ఆక్టాకోర్ మీడియాటెక్ హీలియో జి35 ప్రాసెసర్, 4 జీబీ ర్యామ్
- 64 జీబీ స్టోరేజ్, 256 జీబీ ఎక్స్పాండబుల్ స్టోరేజ్, ఆండ్రాయిడ్ 11
- 48 మెగాపిక్సల్ బ్యాక్ కెమెరాలు, 8 మెగాపిక్సల్ సెల్ఫీ కెమెరా
- ఫింగర్ ప్రింట్ సెన్సార్, 4జీ వీవోఎల్టీఈ, బ్లూటూత్ 5.0
- 6000 ఎంఏహెచ్ బ్యాటరీ, ఫాస్ట్ చార్జింగ్
టెక్నో స్పార్క్ 7టి స్మార్ట్ ఫోన్ నెబులా ఆరెంజ్, మాగ్నెట్ బ్లాక్, జ్యువెల్ బ్లూ కలర్ ఆప్షన్లలో విడుదలైంది. ఈ ఫోన్ ధర రూ.8,999గా ఉంది. కానీ లాంచింగ్ సందర్భంగా రూ.7,999కే విక్రయించనున్నారు. జూన్ 15 నుంచి అమెజాన్ సైట్ లో ఈ ఫోన్ లభిస్తుంది.
