Virat Kohli : భార‌త క్రికెట్ జ‌ట్టు స్టార్ ప్లేయ‌ర్ విరాట్ కోహ్లికి గ‌డ్డుకాలం న‌డుస్తుంద‌ని చెప్ప‌వ‌చ్చు. ఇటీవ‌ల జ‌రిగిన టీ20 వ‌ర‌ల్డ్ క‌ప్‌లో తొలి రౌండ్‌లోనే భార‌త జ‌ట్టు వెనుదిరిగి రావ‌డం ప‌ట్ల తీవ్ర విమ‌ర్శ‌ల‌ను ఎదుర్కొన్నాడు. ఇక ఎన్నో ఏళ్ల నుంచి ఐపీఎల్‌లో రాయ‌ల్ చాలెంజ‌ర్స్ బెంగళూరు జ‌ట్టును సెమీ ఫైన‌ల్ వ‌ర‌కు తీసుకెళ్తున్నా.. ట్రోఫీని ఎత్త‌లేక‌పోయాడు. ఈ క్ర‌మంలోనే అటు టీ20ల‌తోపాటు ఇటు ఆర్‌సీబీ జ‌ట్టుకు కెప్టెన్‌గా వైదొల‌గుతున్న‌ట్లు కోహ్లి ఇటీవ‌లే తెలిపాడు. అయితే క‌థ అంత‌టితో ముగియ‌లేదు.
టీ20ల‌కు కోహ్లి కెప్టెన్‌గా గుడ్‌బై చెప్పి కేవ‌లం బ్యాట్స్‌మన్ గానే కొన‌సాగుతున్నాడు. వన్డేలు, టెస్టుల‌కు కెప్టెన్‌గా ఉన్నాడు. అయితే బీసీసీఐ తాజాగా అత‌నికి షాకిచ్చింది. వన్డేలకు కూడా కెప్టెన్ గా కోహ్లిని త‌ప్పించి రోహిత్ శ‌ర్మ‌కు ఆ బాధ్య‌త‌ల‌ను అప్ప‌గించారు. దీంతో కోహ్లి వ‌న్డే కెప్టెన్సీ కూడా పోయింది. కేవ‌లం టెస్టుల‌కు మాత్ర‌మే ఇక‌పై అత‌ను కెప్టెన్‌గా ఉంటాడు.
వాస్త‌వానికి 2023 వ‌ర‌ల్డ్ కప్ వ‌ర‌కు కోహ్లి వన్డేలకు కెప్టెన్‌గా ఉందామ‌నుకున్నాడు. కానీ బీసీసీఐ అత‌ని ఆశ‌ల‌ను అడియాశ‌లు చేసింది. దీంతో కోహ్లి మ‌న‌స్థాపం చెందిన‌ట్లు స‌మాచారం. ప‌రిమిత ఓవ‌ర్ల క్రికెట్‌లో స‌హ‌జంగానే ఏ దేశ‌మైనా ఒకే కెప్టెన్‌ను నియ‌మిస్తుంది. టెస్టుల‌కు వేరే కెప్టెన్ ఉంటారు. కానీ టీ20ల‌కు ఒక‌రు, వన్డేలకు ఒక‌రు కెప్టెన్‌గా ఏ దేశ జ‌ట్టుకు లేరు. ఇదే విషయాన్ని బీసీసీఐ చెబుతూ కోహ్లిని వన్డేలకు కెప్టెన్ గా త‌ప్పించింది. దీంతో భార‌త టీ20, వ‌న్డే జ‌ట్ల‌కు ఇక‌పై రోహిత్ శ‌ర్మ‌నే కెప్టెన్‌గా కొన‌సాగ‌నున్నాడు.
అయితే ఈ విషయాన్ని బీసీసీఐ కోహ్లికి ముందుగానే చెప్పినా.. ఇలా స‌డెన్‌గా తనను వ‌న్డే కెప్టెన్సీ నుంచి త‌ప్పించ‌డం ప‌ట్ల కోహ్లి తీవ్ర అసంతృప్తితో ఉన్న‌ట్లు తెలుస్తోంది. ఒక వేళ రానున్న రోజుల్లో టీ20లు, వ‌న్డేల్లో అత‌ను బ్యాట్స్‌మన్‌గా కూడా విఫ‌లం అయితే అప్పుడు ఇక జ‌ట్టులో కూడా చోటు కోల్పోవాల్సిన ప‌రిస్థితి ఏర్ప‌డుతుంది. క‌నుక అంత వ‌ర‌కు రావ‌డం ఎందుక‌ని భావిస్తూ.. ఆ రెండు ఫార్మాట్ల‌కు త్వరలోనే కోహ్లి రిటైర్మెంట్ ప్ర‌క‌టిస్తాడ‌ని తెలుస్తోంది.
బీసీసీఐ తనను స‌డెన్ గా వ‌న్డే కెప్టెన్ గా తీసేయడం ప‌ట్ల మ‌న‌స్థాపం చెందిన కోహ్లి త్వ‌ర‌లో వన్డేలు, టీ20ల‌కు గుడ్ బై చెప్ప‌బోతున్న‌ట్లు స‌మాచారం. దీంతో కేవ‌లం టెస్టుల‌లో మాత్ర‌మే కొన‌సాగాల‌ని కోహ్లి ఆలోచిస్తున్న‌ట్లు తెలుస్తోంది. దీనిపై త్వరలోనే స్ప‌ష్ట‌త రానుంది.
అస్సాం రైఫిల్స్ వారు ప‌లు పోస్టుల్లో ఖాళీగా ఉన్న పోస్టుల‌ను భ‌ర్తీ చేసేందుకు గాను ఆస‌క్తి, అర్హ‌త ఉన్న అభ్య‌ర్థుల…
బ్యాంకుల్లో ఉన్న‌త స్థానాల్లో ఉద్యోగం చేయాల‌ని చూస్తున్నారా..? అయితే మీకు బ్యాంక్ ఆఫ్ బ‌రోడా గొప్ప అవ‌కాశాన్ని క‌ల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిర‌ప‌డాల‌ని అనుకుంటున్న వారి కోసం యూనియ‌న్ బ్యాంక్ ఆఫ్ ఇండియా శుభ వార్త చెప్పింది.…
ప‌బ్లిక్ సెక్టార్‌కు చెందిన భార‌త్ ఎల‌క్ట్రానిక్స్ లిమిటెడ్ (BEL) ప‌లు విభాగాల్లో ఖాళీగా ఉన్న పోస్టుల భ‌ర్తీకి గాను ఆస‌క్తి,…
దేశంలోని ప్ర‌ముఖ ప‌బ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బ‌రోడా ఆస‌క్తి, అర్హ‌త ఉన్న అభ్య‌ర్థుల నుంచి ప‌లు…
రైల్వేలో ఉద్యోగం చేయాల‌నుకుంటున్నారా..? అయితే మీకు రైల్వే రిక్రూట్‌మెంట్ బోర్డు శుభ‌వార్త చెప్పింది. ప‌లు విభాగాల్లో ఖాళీగా ఉన్న పోస్టుల…
ఇండియ‌న్ ఎయిర్ ఫోర్స్‌లో ప‌నిచేయాల‌ని అనుకుంటున్నారా..? అయితే ఇది మీకు ఒక గొప్ప అవ‌కాశం అని చెప్ప‌వ‌చ్చు. ఇండియ‌న్ ఎయిర్…
పోస్ట‌ల్ శాఖ‌లో ఉద్యోగం చేయాల‌ని అనుకుంటున్నారా..? అయితే ఈ స‌ద‌కాశం మీకోస‌మే. త‌పాలా శాఖ వారు భారీ ఎత్తున ఉద్యోగ…