Sai Pallavi : శేఖర్ కమ్ముల దర్శకత్వంలో నాగచైతన్య, సాయి పల్లవి జంటగా తెరకెక్కిన ఫీల్ గుడ్ సినిమా లవ్ స్టోరీ. ఈ సినిమా ఈ నెల 24వ తేదీ విడుదలై బాక్సాఫీసు వద్ద మంచి కలెక్షన్లను రాబట్టింది. ఈ సినిమాలో సాయి పల్లవి డాన్స్ కు ప్రేక్షకులు, అభిమానులు మాత్రమే కాకుండా సెలబ్రిటీలు సైతం ఫిదా అవుతున్నారు. ఈ క్రమంలోనే ఈ సినిమాలోని సాయి పల్లవి డాన్స్ పై రాహుల్ రవీంద్ర ఆశ్చర్యకరమైన వ్యాఖ్యలు చేశారు.

ఈ సినిమాలో సాయి పల్లవి డాన్స్ అద్భుతంగా చేసిందని, కేవలం ఆమె డాన్స్ కోసమే ఈ సినిమాను 20 సార్లు చూశానని ఈ సందర్భంగా రాహుల్ రవీంద్ర ట్వీట్ చేశాడు. అతని ట్వీట్ కి సాయిపల్లవి స్పందిస్తూ.. ఎంతో ఆనందం వ్యక్తం చేసింది. ఈ సందర్భంగా రాహుల్ రవీంద్ర మాట్లాడుతూ సాయి పల్లవి డ్యాన్స్తోనే ఓ పూర్తిస్థాయి సినిమాని ఎవరైనా తెరకెక్కిస్తే బాగుంటుందని తన అభిప్రాయాన్ని వ్యక్తం చేశాడు.
కుల వ్యవస్థ, అమ్మాయిలపై కుటుంబ సభ్యులే ఆఘాయిత్యాలకు పాల్పడుతున్నారనే సున్నితమైన విషయాన్ని తీసుకొని ఎంతో అద్భుతంగా ఈ సినిమాను తెరకెక్కించారని ఈ సందర్భంగా రాహుల్ రవీందర్ పేర్కొన్నారు. ముఖ్యంగా ఈ సినిమాకు కథ అవసరం లేదని, సాయి పల్లవి డాన్స్ ఒక్కటే చాలని ఈ సందర్భంగా సాయి పల్లవి డాన్స్ పై రాహుల్ రవీంద్ర ప్రశంసలు కురిపించాడు.