Rana Miheeka : దగ్గుబాటి వారసుడు, స్టార్ హీరో రానా భార్య మిహికా బజాజ్ సోషల్ మీడియాలో చాలా యాక్టివ్ అనే సంగ‌తి తెలిసిందే. వీరి పెళ్లికి సంబంధించి ఏ ఫొటో, వీడియో అయినా బ‌య‌ట‌కు వ‌స్తే అది కొద్ది క్ష‌ణాల‌లోనే వైర‌ల్‌గా మారుతుంటుంది. తాజ‌గా మిహికా తమ పెళ్లి వీడియోని ఇన్‌స్టాగ్రామ్‌ లో షేర్ చేయ‌గా, అది నెటిజ‌న్స్‌ని ఎంత‌గానో ఆక‌ట్టుకుంటోంది. అలాగే ఈ వీడియోని చూసి అభిమానులు తెగ మురిసిపోతున్నారు.
మోస్ట్‌ ఎలిజబుల్‌ బ్యాచిలర్‌గా ఉన్న రానా గతేడాది వివాహ బంధంలోకి అడుగుపెట్టారు. కరోనా నేపథ్యంలో రామానాయుడు స్టూడియోలోనే కుటుంబీకుల సమక్షంలో వీరి పెళ్లి జరిగింది. కోవిడ్‌ నిబంధనల కారణంగా కేవలం సుమారు 30 మంది బంధువుల సమక్షంలో వివాహం జరిగింది. వీరి పెళ్లికి ఉపయోగించిన వర్చువల్ వెడ్డింగ్ కార్డ్ అందరినీ ఆక‌ట్టుకుంది.
https://www.instagram.com/p/CWhvBL3jJd3/?utm_source=ig_embed&ig_rid=e339f26c-0827-4010-ade6-0b7618cdd609
రానాతో ఏడడుగులు నడిచి ఇటీవలే ఏడాది పూర్తయిన సందర్భంగా భర్తపై ప్రేమను కురిపిస్తూ తమ బంధం ఎంతో అద్భుతం అని పేర్కొన్నారు మిహికా. ”నా లవ్‌కి పెళ్లి రోజు శుభాకాంక్షలు. ఈ ఏడాది ఎంతో ఆనందంగా గడిచింది. ఎప్పటికీ నిన్ను ప్రేమిస్తూనే ఉంటాను. మంచి మనసున్న మనిషిగా నా జీవితంలో నాకు తోడుగా ఉంటున్నావు. థ్యాంక్యూ మై లైఫ్‌.. మై లవ్‌” అంటూ మిహికా తన మనసులోని భావాలను వ్యక్తపరిచారు.
