Pakka Commercial Review : మారుతి ద‌ర్శ‌క‌త్వంలో గోపీచంద్, రాశిఖ‌న్నా ప్ర‌ధాన పాత్ర‌ల్లో వచ్చిన మూవీ.. ప‌క్కా కమర్షియల్. ఈ మూవీ నేడు (జూలై 1, 2022) ప్ర‌పంచ వ్యాప్తంగా రిలీజ్ అయింది. సీటీ మార్ త‌రువాత గోపీచంద్ చేసిన మూవీ ఇది. గ‌తంలో ఈయ‌న న‌టించిన చిత్రాల‌కు భిన్నంగా అవుట్ అండ్ అవుట్ కామెడీ ఎంట‌ర్‌టైన‌ర్‌తో గోపీచంద్ మళ్లీ ప్రేక్ష‌కుల ముందుకు వ‌చ్చారు. ఇక ఈ మూవీ ఎలా ఉంది.. క‌థ ఏమిటి.. ఈ మూవీ ప్రేక్ష‌కుల‌ను అల‌రించిందా.. అన్న వివ‌రాల‌ను ఇప్పుడు తెలుసుకుందాం.
క‌థ..
రామ్ చంద్ (గోపీ చంద్) ఒక లాయర్. ప‌క్కా క‌మ‌ర్షియ‌ల్‌గా ఉంటాడు. ఆయన తండ్రి స‌త్య‌రాజ్ జ‌డ్జి. నీతి నిజాయితీ క‌లిగిన వ్య‌క్తి. ఎన్నో కేసుల‌ను వాదించి బాధితుల‌కు న్యాయం చేసి త‌రువాత జ‌డ్జి అవుతారు. అయితే తండ్రీ కొడుకులు ఇద్ద‌రూ భిన్న‌మైన వ్య‌క్తిత్వాలు క‌లిగి ఉంటారు. రామ్ చంద్ పూర్తిగా కమర్షియల్ అయితే అత‌ని తండ్రి మాత్రం మాన‌వ‌త్వం ఉన్న వ్య‌క్తి. ఈ క్ర‌మంలో ఇద్ద‌రికీ త‌ర‌చూ గొడ‌వ‌లు వ‌స్తుంటాయి. అయితే రామ్ చంద్ కొంత కాలం పాటు లాయర్ వృత్తిని మానేస్తాడు. మళ్లీ ఒక కేసు మిస్ట‌రీని ఛేదించేందుకు లాయ‌ర్‌గా ప్రాక్టీస్ మొద‌లుపెడ‌తాడు. ఇక టీవీ సీరియ‌ల్స్‌లో న‌టించే ఝాన్సీ (రాశిఖ‌న్నా) ఒక పాత్ర కోసం రామ్ చంద్ ద‌గ్గ‌ర అసిస్టెంట్‌గా చేరి ట్రెయినింగ్ తీసుకుంటుంది. ఈ క్ర‌మంలోనే ఆ మిస్ట‌రీ కేసు ఏమ‌వుతుంది ? తండ్రీ కొడుకులు ఈ కేసును ఏ విధంగా సాల్వ్ చేస్తారు ? ఝాన్సీ పాత్ర ఏమ‌వుతుంది ? అన్న వివ‌రాల‌ను తెలుసుకోవాలంటే.. సినిమాను వెండితెర‌పై చూడాల్సిందే.
విశ్లేష‌ణ..
ఇక సినిమా విశ్లేష‌ణ విష‌యానికి వ‌స్తే.. గోపీచంద్‌లో మునుప‌టి ఉత్సాహం, జోరు క‌నిపించాయి. ఆయన గ‌తంలో చేసిన లౌక్యం సినిమా కామెడీ ఎంట‌ర్‌టైన‌ర్‌గా అల‌రించింది. స‌రిగ్గా అదే జోన‌ర్‌లో వచ్చిన చిత్రం ఇది. క‌నుక ప్రేక్ష‌కులు అనేక సీన్ల‌ను ఎంజాయ్ చేస్తారు. హీరోగా గోపీచంద్ ఈ సినిమాకు పూర్తి స్థాయిలో న్యాయం చేశాడు. అలాగే రాశి ఖ‌న్నా కూడా ఈ మూవీలో క్యూట్‌గా క‌నిపించింది. ఇక స‌త్య‌రాజ్ గురించి ప్ర‌త్యేకంగా చెప్పాల్సిన ప‌నిలేదు. ఆయన పాత్ర‌కు కూడా న్యాయం చేశారు. అలాగే అన‌సూయ, రావు ర‌మేష్‌, స‌ప్త‌గిరి, వ‌ర‌ల‌క్ష్మి శ‌ర‌త్ కుమార్ త‌దిత‌ర న‌టీన‌టులు త‌మ పాత్ర‌ల ప‌రిధుల మేర బాగానే న‌టించారు.
ఈ మూవీకి ద‌ర్శ‌కుడు మారుతి అన్నీ తానే అయి న‌డిపించారు. మారుతి మూవీ అంటే కామెడీ ఎంట‌ర్‌టైన్‌మెంట్ ప‌క్కా. ఆయన సినిమాలు ప్రేక్ష‌కుల‌ను ఎంత‌గానో అల‌రిస్తాయి. గ‌తంలోనూ ఆయన ఇలాంటి జోన‌ర్‌ల‌లో సినిమాలు తీసి ఆక‌ట్టుకున్నారు. ఆయన సినిమాలో చెప్పే క‌థ‌ను సూటిగా సుత్తి లేకుండా చెబుతారు. అంతేకాదు.. అందులో కామెడీ ప్ర‌ధానాంశంగా ఉంటుంది. ఇలా సినిమాల‌ను తీయ‌డంలో మారుతి దిట్ట అని చెప్ప‌వ‌చ్చు. ఇక సినిమాకు సంబంధించిన ఇత‌ర అంశాలు కూడా బాగానే ఉన్నాయి. మొత్తంగా చెప్పాలంటే ప్రేక్ష‌కులకు ప‌క్కా కమర్షియల్ మూవీ ఎంతో వినోదాన్ని అందిస్తుంద‌ని చెప్ప‌వ‌చ్చు. చాలా రోజుల త‌రువాత గోపీచంద్ మళ్లీ చ‌క్క‌ని ఎంట‌ర్‌టైన‌ర్‌తో అల‌రించారు. ఈ మూవీని ఫ్యామిలీతో ఒకసారి త‌ప్ప‌క చూడ‌వ‌చ్చు.
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…
ఒక‌టి కాదు రెండు కాదు, మూడు కాదు ఏకంగా ముప్పై కోట్ల జీతం. చేయాల్సిన ప‌ని ఏమి లేదు. స్విచ్…
దేశంలో వాహనాల వినియోగం ఎంత‌గా పెరుగుతుందో మ‌నం చూస్తూ ఉన్నాం. భారతదేశంలో రోజు రోజుకి వాహనాల సంఖ్య పెరుగుతూ పోతుండ‌డంతో…
రిస్క్ చేయ‌కుండా మంచి ప్రాఫిట్ పొందాల‌ని అనుకునేవారు ఎక్కువ‌గా పోస్టాఫీస్‌పై ఆధార‌ప‌డుతుండ‌డం మ‌నం చూస్తూ ఉన్నాం. ప్రస్తుతం పోస్టాఫీసులో మంచి…
Devara Ticket Prices : యంగ్ టైగ‌ర్ ఎన్టీఆర్ ఆర్ఆర్ఆర్ చిత్రం త‌ర్వాత న‌టించిన చిత్రం దేవ‌ర. కొర‌టాల శివ…
నందమూరి నట వారసుడుగా ఇండస్ట్రీలో అడుగుపెట్టినా తనదైన గుర్తింపు తెచ్చుకొని అశేష ప్రేక్ష‌కాద‌ర‌ణ సంపాదించుకున్నారు జూనియ‌ర్ ఎన్టీఆర్ . ఆయన…