Mrunal Thakur : బాహుబలిని మిస్ చేసుకున్న సీతారామం హీరోయిన్.. ఎందుకో తెలుసా..?

Mrunal Thakur : మృణాల్‌ ఠాకుర్‌.. ప్రస్తుతం తెలుగు ప్రేక్షకులకు పెద్దగా పరిచయం అక్కర్లేని పేరు ఇది. మొదట్లో హిందీ సీరియల్స్ లో నటించి సీతారామం మూవీతో రాత్రికి రాత్రే స్టార్‌డమ్‌ సంపాదించుకుంది మృణాల్. ఈ చిత్రంలో యువరాణిలా అందం, అభినయంతో ప్రేక్షకులను ఆకట్టుకుంది. మొదటి తెలుగు చిత్రంతోనే మృణాల్ హిట్ ను తన ఖాతాలో వేసుకుంది.  తనదైన నటనతో దర్శక నిర్మాతల దృష్టిని తన వైపుకు తిప్పుకున్న ఈ భామ ఇప్పుడు వరుస ఆఫర్లు అందుకుంటుంది. ఇప్పటికే ఆమె వైజయంతి బ్యానర్‌లో ఓ సినిమాకు సంతకం చేసిందని, మరిన్ని ప్రాజెక్ట్స్‌ చర్చల దశలో ఉన్నట్లు సమాచారం వినిపిస్తోంది.

ఇదిలా ఉండగా నిజానికి మృణాల్ ఠాకూర్ ఇప్పటికే పాన్ ఇండియా చిత్రాలలో నటించాల్సి ఉండగా ఆ ఛాన్స్ మిస్ చేసుకుంది. ఆ సినిమా మరేదో కాదు.. రాజమౌళి డైరెక్షన్‌లో వచ్చిన బాహుబలి సినిమాలో నటించే ఛాన్స్ ను మృణాల్ మిస్ చేసుకుంది. 2015 లో విడుదలైన ఈ చిత్రం ప్రపంచవ్యాప్తంగా ఘన విజయాన్ని అందుకుంది. వెయ్యి కోట్లకు పైగా వసూళ్లు రాబట్టి రికార్డులను తిరగరాసింది. ఈ చిత్రంలో నటించిన ప్రతి ఒక్కరికీ కూడా ప్రపంచ వ్యాప్తంగా మంచి గుర్తింపు వచ్చింది. హీరో ప్రభాస్ మరియు డైరెక్టర్ రాజమౌళి క్రేజ్ బహుబలి చిత్రంతో వంద‌ రెట్లు పెరిగిపోయింది.

అయితే ఈ సినిమాలో మృణాల్ చాన్స్ మిస్ చేసుకుంది హీరోయిన్ గా కాదు. సినిమాలో రమ్యకృష్ణ నటించిన శివగామి పాత్రలో నటించే ఛాన్స్ ను మృణాల్ కోల్పోయింది. జక్కన్న బాహుబలి సినిమా కోసం ముంబైలో కూడా ఆడిషన్స్ నిర్వహించారట. ఆ ఆడిషన్స్ లో మృణాల్ ను ఎంపిక చేశారట. కానీ ఆ తరవాత ఏమైందో తెలియదు గానీ రాజమౌళి తన నిర్ణయాన్ని మార్చుకున్నారు. అలా ఫైనల్ గా శివగామి పాత్ర కోసం రమ్యకృష్ణను ఎంపిక చేయడం జరిగిందట.