OTT : వీకెండ్ వ‌చ్చిందంటే చాలు వివిధ ఓటీటీ ప్లాట‌ఫామ్ లు కొత్త సినిమాలు వెబ్ సిరీస్ ల‌తో సంద‌డి చేస్తూ ఉంటాయి. ఎంతో మంది ఓటీటీల‌లో రాబోయే షో లు , చిత్రాలు, వెబ్ సిరీస్ ల కోసం ఆతృత‌గా ఎదురు చూస్తూ ఉంటారు. అలాగే ఈ వారం కూడా నెట్ ఫ్లిక్స్, సోనీ లివ్ లాంటి ఓటీటీ వేదిక‌ల‌పై ప‌లు సినిమాలు, వెబ్ సిరీస్ లు ప‌ల‌క‌రించ‌నున్నాయి. అవేంటో ఇప్పుడు తెలుసుకుందాం.
ర‌వితేజ హీరోగా, మ‌జిలీ ఫేమ్ దివ్యాంశ కౌషిక్ హీరోయిన్ గా న‌టించిన రామారావు ఆన్ డ్యూటీ చిత్రం సెప్టెంబ‌ర్ 15 నుండి సోనీ లివ్ లో ప్ర‌సారం కానుంది. బాక్సాఫీస్ వ‌ద్ద ప‌రాజ‌యం పాలైన ఈ సినిమా ఓటీటీ ప్రేక్ష‌కుల‌ను ఎలా ఆక‌ట్టుకుంటుందో చూడాలి. అలాగే బాలీవుడ్ న‌టుడు దిల్జిత్ దోసంజ్ ప్ర‌ధాన పాత్ర‌లో న‌టించిన జోగీ అనే సినిమా కూడా సెప్టెంబ‌ర్ 16 నుండి ఓటీటీ ప్లాట్‌ఫామ్ నెట్ ఫ్లిక్స్ లో ప్ర‌ద‌ర్శితం కానుంది. 1980ల నాటి సిక్కు అల్ల‌ర్ల నేప‌థ్యంలో సామాజిక కోణంలో ఈ చిత్రం సాగ‌నుంది.
ఇక థ్రిల్ల‌ర్ క‌థాంశంతో రూపొందిన అటెన్ష‌న్ ప్లీజ్ అనే చిత్రం కూడా సెప్టెంబ‌ర్ 16 నుండి నెట్ ఫ్లిక్స్ లో విడుద‌ల కానుంది. అలాగే ఓటీటీలో బాగా పాపుల‌ర్ అయిన కాలేజ్ రొమాన్స్ వెబ్ సిరీస్ కి సంబంధించిన సీజ‌న్ 3 సోనీ లివ్ లో సెప్టెంబ‌ర్ 16 నుండి మొద‌లు కానుంది.
ఒక‌ప్ప‌టి ప్ర‌ముఖ హాలీవుడ్ న‌టి మార్లిన్ మ‌న్రో జీవితం ఆధారంగా బ‌యోగ్ర‌ఫిక‌ల్ డ్రామాగా తెర‌కెక్కిన బ్లాండే మూవీ సెప్టెంబ‌ర్ 16 నుండి నెట్ ఫ్లిక్స్ లో స్ట్రీమింగ్ అవ‌బోతుంది. అనా డే అర్మాస్ ఈ మూవీలో మార్లిన్ మ‌న్రో పాత్ర‌లో న‌టించింది. ఇలా ప‌లు మూవీలు, సిరీస్‌లు ఈ వారం ఓటీటీల్లో సంద‌డి చేయ‌నున్నాయి.
