Most Eligible Bachelor : ద‌స‌రా 2021 పండుగ సీజ‌న్‌కు బాక్సాఫీస్ వద్ద మూడు సినిమాలు సంద‌డి చేశాయి. శ‌ర్వానంద్‌, సిదార్థ్ న‌టించిన మ‌హా స‌ముద్రం, అఖిల్ అక్కినేని, పూజా హెగ్డె న‌టించిన మోస్ట్ ఎలిజిబుల్ బ్యాచిల‌ర్‌తోపాటు పెళ్లి సందD మూవీలు రిలీజ్ అయ్యాయి. అయితే ఈ మూడు సినిమాల్లోనూ మోస్ట్ ఎలిజిబుల్ బ్యాచిలర్ క్లియ‌ర్ విన్న‌ర్ అని చెప్ప‌వ‌చ్చు.
మోస్ట్ ఎలిజిబుల్ బ్యాచిలర్ మొద‌టి వీకెంగ్ క‌లెక్ష‌న్లు అద్భుతంగా ఉన్నాయి. ఏపీ, తెలంగాణ, యూఎస్ఏల‌లో ఈ సినిమా స‌మాన క‌లెక్ష‌న్ల‌ను సాధిస్తోంది. ఇక తొలి వీకెండ్‌లో ప్ర‌పంచ‌వ్యాప్తంగా ఈ మూవీ రూ.15.50 కోట్ల షేర్ ను సాధించి దూసుకుపోతోంది. కోవిడ్ సెకండ్ వేవ్ త‌రువాత రెండో బిగ్గెస్ట్ తెలుగు ఓపెన‌ర్‌గా మంచి స‌క్సెస్‌ను సాధించింది.
ఇక మోస్ట్ ఎలిజిబుల్ బ్యాచిలర్ మూవీ అమెరికాలోనూ 4 ల‌క్ష‌ల డాల‌ర్ల‌కు పైగానే వ‌సూలు చేసింది. పెళ్లి సందD చిత్రానికి వ‌స్తే చిత్రం బ‌డ్జెట్ ప్ర‌కారం మంచి వ‌సూళ్ల‌నే సాధిస్తుంద‌ని చెప్ప‌వ‌చ్చు. అయిన‌ప్ప‌టికీ మోస్ట్ ఎలిజిబుల్ బ్యాచిలర్ మూవీకి ఆ రెండు చిత్రాలు పోటీని ఇవ్వ‌లేక‌పోయాయి. అందువ‌ల్ల ద‌స‌రా బాక్సాఫీస్ విజేత మోస్ట్ ఎలిజిబుల్ బ్యాచిలర్ అని చెప్ప‌వ‌చ్చు.
ఇక మ‌హా స‌ముద్రం మూవీకి అయితే 4వ రోజు క‌లెక్ష‌న్లు చాలా పూర్‌గా ఉన్నాయి. మ‌రి ఈ మూవీ బాక్సాఫీస్ వద్ద నిలుస్తుందా, లేదా.. అన్న‌ది చూడాలి.
