Mehaboob Dilse : బిగ్ బాస్ షోతో చాలా మంది కంటెస్టెంట్స్ ఫుల్ పాపులారిటీ తెచ్చుకుంటున్న‌విష‌యం తెలిసిందే. బిగ్ బాస్ నుండి బయటకు వచ్చాక వారికి వ‌రుస ఆఫ‌ర్స్ రావ‌డం, రెండు చేతులా సంపాదించ‌డం, ఆ త‌ర్వాత కొంద‌రు కొత్త కార్లు కొంటుంటే.. మ‌రి కొంద‌రు బంగ్లాలను కొన‌డం జ‌రుగుతూ వ‌స్తోంది. తాజాగా బిగ్ బాస్ సీజ‌న్ 4 కంటెస్టెంట్ కొత్త ఇల్లు కొనుగోలు చేయ‌డం అంద‌రినీ ఆశ్చ‌ర్య‌ప‌రుస్తోంది.
యూట్యూబ్‌, టిక్‌టాక్‌ వీడియోలతో ఫేమస్‌ అయిన మెహబూబ్ దిల్‌సే గతేడాది బిగ్‌బాస్‌ హౌస్‌లో అడుగుపెట్టాడు. టాస్కుల్లో ప్రాణం పెట్టి ఆడే మెహబూబ్ ఫ్రెండ్‌షిప్‌కు కూడా ఎంతో ప్రాధాన్యం ఇస్తాడు. హౌస్ నుంచి బయటకు వచ్చాక మెహబూబ్ మళ్లీ తన వీడియోలను తీస్తూ బిజీగా మారిపోయాడు. ఇటీవల మెగాస్టార్ చిరంజీవి ప్రధాన పాత్రలో డైరెక్టర్ కొరటాల శివ తెరకెక్కిస్తున్న ఆచార్య సినిమాలో కూడా న‌టించాడు.
అయితే తన చిన్న‌నాటి క‌ల‌ను సాధ్యం చేసుకున్న‌ట్టు మెహబూబ్ తన పోస్ట్ ద్వారా తెలియ‌జేశాడు. ఆదివారం కొత్త ఇంట్లోకి అడుగుపెట్టిన మెహబూబ్ ఇంటికి సంబంధించిన కొన్ని ఫొటోలను కూడా షేర్ చేశాడు. ఒక సొంతిల్లు ఉండాలి, కట్టుకోవాలని చిన్నప్పటి నుంచి కోరిక ఉండేది. మొత్తానికి అనుకున్నది సాధించాం. మీ అందరి వల్లే ఇక్కడిదాకా వచ్చాము. మమ్మల్ని ఆశీర్వదించిన భగవంతుడికి కృతజ్ఞతలు. అలాగే నాకు సపోర్ట్‌ చేసిన అభిమానులందరికీ పేరుపేరునా ధన్యవాదాలు.. అని తెలిపాడు.
