Meena : ఒకప్పుడు టాలీవుడ్ లో సీనియర్ స్టార్ హీరోల సరసన నటించి మెప్పించిన కోలీవుడ్ బ్యూటీ మీనా. మీనా స్వతహాగా మళయాళ సినీ పరిశ్రమకు చెందినది అయినప్పటికీ టాలీవుడ్ లో కూడా హీరోయిన్ గా నటించి తనకంటూ ప్రత్యేక అభిమానులను సంపాదించుకుంది. ఈ క్రమంలో మీనా నటించిన పలు లవ్, ఫ్యామిలీ ఓరియెంటెడ్ చిత్రాలు సినీ ప్రేక్షకులను కట్టి పడేశాయి. అయితే రీసెంట్ గా భర్తను కోల్పోయిన మీనా కొన్నాళ్ళు ఇంటికే పరిమితమయ్యింది. ఈమధ్యే మళ్ళీ సినిమా షూటింగ్స్ కూడా స్టార్ట్ చేసింది.
తనకు ఇండస్ట్రీలో క్లోజ్ ఫ్రెండ్స్ అయిన రంభ, సంఘవి, సంగీత లాంటి స్టార్స్ ఫ్యామిలీస్ తో కలిసి మీనా ఇంటికి వెళ్లారు. అక్కడ వారు సందడి చేసిన విషయం తెలిసిందే. అలాగే మీనా ఇటీవల తన 46వ పుట్టినరోజును ప్రాణస్నేహితుల మధ్య గ్రాండ్ గా జరుపుకుంది. మీనా ఇప్పుడిప్పుడే తన భర్త మరణం నుంచి బయటపడుతూ సాధారణ వ్యక్తిలా మారిపోతుంది. ఈ క్రమంలోనే తాజాగా మీనా తన స్నేహితురాలితో కలిసి ఫారెన్ వెకేషన్ లో ఉంది.

మీనా తన స్నేహితురాలు స్టైలిస్ట్ రేణుక ప్రవీణ్ తో కలిసి విదేశాల్లో పలు ప్రదేశాల్లో తీసుకున్నటు వంటి ఒక రీల్ వీడియోని షేర్ చేసింది. ప్రస్తుతం ఈమె ఫారిన్ ట్రిప్ కి సంబంధించిన ఫోటోలు, వీడియోలు సోషల్ మీడియాలో వైరల్ కావడంతో ఇవి చూసిన అభిమానులు సంతోషం వ్యక్తం చేస్తున్నారు. మీనా తన భర్త మరణం నుంచి కోలుకొని ఇప్పుడిప్పుడే బయటపడుతుంది. ఈమెను ఇలా సంతోషంగా చూస్తుంటే చాలా ఆనందంగా ఉంది, మీనా ఎప్పుడూ ఇలాగే సంతోషంగా ఉండాలి అంటూ అభిమానులు కామెంట్స్ చేస్తున్నారు.