OTT : వారం వారం మారుతున్న కొద్దీ ఓటీటీల్లో కొత్త కొత్త సినిమాలు, సిరీస్‌లు రిలీజ్ అవుతున్నాయి. ప్రేక్ష‌కులు కూడా ఓటీటీల‌కు బాగానే అల‌వాటు ప‌డ్డారు. దీంతో ఓటీటీ యాప్స్ వీలైనంత త్వ‌ర‌గా కొత్త సినిమాల‌ను రిలీజ్ చేసేందుకు ఆస‌క్తిని చూపిస్తున్నాయి. ఇక ఈ వారం కూడా ప్రేక్ష‌కుల‌ను అల‌రించేందుకు ప‌లు సినిమాలు సిద్ధ‌మ‌వుతున్నాయి. వాటి వివ‌రాల‌ను ఇప్పుడు తెలుసుకుందాం.
రౌడీ హీరో విజయ్ దేవ‌ర కొండ త‌మ్ముడు ఆనంద్ దేవ‌ర‌కొండ హీరోగా న‌టించిన చిత్రం.. హైవే. ఈ మూవీ థియేట‌ర్ల‌లో కాకుండా నేరుగా ఓటీటీలోనే రిలీజ్ అవుతోంది. ఆహా ప్లాట్‌ఫామ్‌పై ఈ మూవీని రిలీజ్ చేయ‌నున్నారు. ఈ నెల 19వ తేదీన ఈ మూవీ రిలీజ్ కానుంది. మిస్ట‌రీ సస్పెన్స్ థ్రిల్ల‌ర్ క‌థాంశంతో ఈ మూవీని తెర‌కెక్కించారు.
కొత్త సినిమాల‌ను విడుద‌లైన రోజే రిలీజ్ చేస్తున్న త‌మిళ రాక‌ర్స్ అనే సైట్ గురించి అంద‌రికీ తెలిసిందే. అయితే ఇదే క‌థాంశం, ఇదే పేరుతో ఓ మూవీని తెర‌కెక్కించారు. త‌మిళ రాకర్జ్ పేరిట రూపొందిన ఈ మూవీని నేరుగా ఓటీటీలోనే రిలీజ్ చేస్తున్నారు. సోనీ లివ్ యాప్‌లో ఈ మూవీని ఈనెల 19వ తేదీన రిలీజ్ చేయ‌నున్నారు. సినిమాల పైర‌సీ నేప‌థ్యంలో ఈ మూవీని తెర‌కెక్కించారు.
విజయ్ ఆంటోని న‌టించిన యానాయ్ అనే యాక్ష‌న్ థ్రిల్ల‌ర్ మూవీ బాక్సాఫీస్ వ‌ద్ద పెద్ద‌గా ఆక‌ట్టుకోలేదు. ఈ మూవీని ఈ నెల 19వ తేదీన ఓటీటీలో రిలీజ్ చేయ‌నున్నారు. జీ5 యాప్‌లో ఈ మూవీ స్ట్రీమ్ కానుంది.
క‌న్న‌డ స్టార్స్ శివ రాజ్ కుమార్, ధ‌నంజ‌య‌లు ప్ర‌ధాన పాత్ర‌ల్లో తెర‌కెక్కిన మూవీ.. బైరాగి. ఈ మూవీని ఈ నెల 19వ తేదీన ఓటీటీలో రిలీజ్ చేయ‌నున్నారు. క‌న్న‌డ‌లో తెర‌కెక్కిన ఈ మూవీ వూట్ అనే యాప్‌లో స్ట్రీమ్ కానుంది. ఇలా ఈ వారం ప‌లు మూవీలు ఓటీటీల్లో సంద‌డి చేయ‌నున్నాయి.
