Anasuya : బుల్లితెరపై ఎన్నో కార్యక్రమాలు ప్రసారం అవుతూ ఎంతోమంది ప్రేక్షకులను ఎంతో సందడి చేస్తున్నాయి. ఈ క్రమంలోనే జెమిని టీవీలో వారంతాలలో ప్రసారమయ్యే మాస్టర్ చెఫ్ కార్యక్రమం ప్రేక్షకులను అలరిస్తోంది. ఈ కార్యక్రమం ఎన్నో అంచనాల నడుమ ప్రసారమవుతోంది. అయితే ఈ షో కి యాంకర్ గా తమన్నాను తీసుకున్న విషయం మనకు తెలిసిందే. అయితే తమన్నా యాంకర్ గా ఉండటం చేత ఈ కార్యక్రమంపై నిర్వాహకులు ఎన్నో అంచనాలు పెట్టుకున్నారు.
ఈ క్రమంలోనే అనుకున్న విధంగానే మొదటి వారాలలో ఈ కార్యక్రమానికి అద్భుతమైన రెస్పాన్స్ రావడంతో నిర్వాహకులు ఎంతో సంతోషం వ్యక్తం చేసినప్పటికీ ఆ తర్వాత ఈ కార్యక్రమం రేటింగ్స్ పూర్తిగా పడిపోయాయి. ఈ క్రమంలోనే నిర్వాహకులు ఈ కార్యక్రమానికి యాంకర్ ను మార్చాలని భావించారు. బుల్లితెరపై యాంకర్ గా ఎంతో మంచి పేరు సంపాదించుకున్న జబర్దస్త్ యాంకర్ అనసూయను మాస్టర్ చెఫ్ కార్యక్రమానికి యాంకర్ గా తీసుకోనున్నట్లు సమాచారం.
అయితే ఈ కార్యక్రమానికి తమన్నా షెడ్యూల్ ప్రకారం రెమ్యూనరేషన్ తీసుకుంటుందని ప్రస్తుతం తన షెడ్యూలు ముగియడంతో తాను అడిగిన పారితోషకాన్ని నిర్వాహకులు ఇవ్వలేక.. తన స్థానంలో అనసూయని తీసుకుంటున్నట్లు తెలియజేస్తున్నారు. అయితే తమన్నా వ్యాఖ్యాతగా ఉండడం చేత ఈ కార్యక్రమం రేటింగ్స్ పూర్తిగా పడిపోయాయని, ఈ కార్యక్రమ రేటింగ్స్ ను పెంచుకోవడం కోసమే ఈ కార్యక్రమానికి జబర్దస్త్ యాంకర్ అనసూయను తీసుకుంటున్నట్లు సమాచారం.
సాదారణంగా సినీ తారలు సినిమాల్లో బాగా చేస్తారు. కానీ బుల్లితెర విషయానికి వస్తే.. రెగ్యులర్‌ యాంకర్లలా సినీ తారలు పెర్ఫార్మ్‌ చేయలేరు. అందువల్లే.. బుల్లితెరపై యాంకరింగ్‌లో పండిపోయిన అనసూయ అయితే ఈ షోకు బాగుంటుందని నిర్వాహకులు అనుకున్నారట. పైగా తమన్నాతో పోల్చితే.. అనసూయ రెమ్యునరేషనే తక్కువగా ఉంటుంది. కనుక ఎటు చూసినా అనసూయే బెటర్‌ అని ఈ షోకు ఆమెనే ఎంపిక చేసినట్లు తెలుస్తోంది. ఏది ఏమైనా అనసూయ ఖాతాలో ఇంకో షో పడినట్లే మనం అర్థం చేసుకోవచ్చు.
