Rajamouli : రాజ‌మౌళి స‌ల‌హా అయితే హిట్‌.. చిరంజీవి స‌ల‌హా అయితే ఫ్లాప్..!

Rajamouli : ప్ర‌ముఖ బాలీవుడ్ న‌టుడు అమీర్‌ఖాన్ న‌టించిన లేటెస్ట్ మూవీ లాల్ సింగ్ చ‌డ్డా ఆగ‌స్టు 11వ తేదీన రిలీజ్ అవుతున్న విష‌యం విదిత‌మే. ఇందులో భాగంగానే ఆయ‌న చిత్ర యూనిట్‌తో క‌లిసి ప్ర‌స్తుతం ప్ర‌మోష‌న‌ల్ కార్య‌క్ర‌మాల్లో బిజీగా ఉన్నారు. ఇక ఇందులో నాగ‌చైత‌న్య కూడా ఒక కీల‌క‌పాత్ర‌లో న‌టించాడు. చైతూ రోల్ ఈ మూవీలో 15 నిమిషాల వ‌ర‌కు ఉంటుంద‌ని స‌మాచారం. అయితే ఈ మూవీ వాస్త‌వానికి ఎప్పుడో రిలీజ్ కావ‌ల్సి ఉంది. కానీ అనేక కార‌ణాల వ‌ల్ల వాయిదా ప‌డుతూ వ‌చ్చింది. అయితే ఎట్ట‌కేల‌కు రిలీజ్ కానుంది.

ఇక లాల్ సింగ్ చ‌డ్డా మూవీకి గాను తాజాగా ప‌లువురు తెలుగు సినీ సెల‌బ్రిటీల‌కు అమీర్ ఖాన్ స్పెష‌ల్ షో వేయించారు. ఈ షోకు ద‌ర్శ‌కులు రాజ‌మౌళి, సుకుమార్‌ల‌తోపాటు చిరంజీవి, చైతూలు కూడా హాజ‌ర‌య్యారు. ఈ క్ర‌మంలోనే వారు ఈ మూవీని చూస్తున్న ఫొటో ఒక‌టి సామాజిక మాధ్య‌మాల్లో వైర‌ల్ అయింది. ఈ క్ర‌మంలోనే దీనిపై సోష‌ల్ మీడియాలో ర‌క‌ర‌కాల ట్రోల్స్‌, మీమ్స్ వ‌స్తున్నాయి.

ఈ మ‌ధ్య కాలంలో బాలీవుడ్ చాలా గ‌డ్డు ప‌రిస్థితిని ఎదుర్కొంటోంది. రూ.వంద‌ల కోట్లు పెట్టిన తీసిన సినిమాలు అన్నీ అట్ట‌ర్ ఫ్లాప్ అవుతున్నాయి. బాయ్‌కాట్ బాలీవుడ్ అనే హ్యాష్ ట్యాగ్‌ను సినిమా రిలీజ్ అయిన‌ప్పుడ‌ల్లా అక్క‌డి ప్రేక్ష‌కులు ట్రెండ్ చేస్తున్నారు. ఈ క్ర‌మంలోనే బాలీవుడ్ వ‌ర్గాలు సినిమాలను రిలీజ్ చేయాలంటేనే వ‌ణికిపోతున్నాయి. అయితే ఈ మూవీని ముందుగానే రాజ‌మౌళి, సుకుమార్‌ల‌తోపాటు చిరంజీవి వంటి స్టార్స్‌కు చూపిస్తే వారు ఏమైనా స‌ల‌హాలు ఇస్తే.. చివ‌రి నిమిషంలో సినిమాలో మార్పులు చేయ‌వ‌చ్చు క‌దా.. దీంతో సినిమాకు ఫ్లాప్ టాక్ రాకుండా జాగ్ర‌త్త ప‌డ‌వ‌చ్చు. అలాగే తెలుగు ప్రేక్ష‌కులు ఈ మూవీని చూసేలా వారిని థియేట‌ర్ల‌కు ర‌ప్పించ‌వ‌చ్చు.. అని అమీర్‌ఖాన్ అనుకున్నారు. అందుక‌నే ఆయ‌న రాజ‌మౌళి, సుకుమార్ ల‌తోపాటు చిరంజీవిని ఆహ్వానించి వారికి ఈ మూవీ స్పెష‌ల్ షోను వేసి చూపించారు.

అయితే దీనిపై సోష‌ల్ మీడియాలో ట్రోల్స్‌, జోకులు పేలుతున్నాయి. రాజ‌మౌళికి, చిరంజీవికి సినిమా చూపించారు స‌రే. కానీ రాజ‌మౌళి ఇచ్చే స‌ల‌హాల‌ను పాటిస్తే సినిమా హిట్ అవుతుంది.. కానీ చిరంజీవి ఇచ్చే స‌ల‌హాల‌ను పాటిస్తే మాత్రం అమీర్‌ఖాన్ బుగ్గిపాలు అవుతాడ‌ని.. క‌నుక రాజ‌మౌళి స‌ల‌హాల‌నే పాటించాల‌ని.. నెటిజ‌న్లు కామెంట్లు పెడుతున్నారు. దీంతో సోష‌ల్ మీడియాలో నెటిజన్ల మ‌ధ్య వార్ న‌డుస్తుంద‌ని చెప్ప‌వ‌చ్చు. అయితే ఇప్ప‌టికే అనేక బాలీవుడ్ మూవీలు వ‌రుస‌గా ఫ్లాప్ అవుతున్న నేప‌థ్యంలో అమీర్‌ఖాన్ లాల్ సింగ్ చ‌డ్డా మూవీ ఎలాంటి టాక్‌ను సొంతం చేసుకుంటుందో చూడాలి.