Drushyam 2 Movie Review : వైవిధ్య‌మైన చిత్రాల‌కు కేరాఫ్ అడ్రెస్‌గా నిలుస్తున్న వెంకటేష్ ఇటీవ‌ల తన చిత్రాల‌ను ఓటీటీ వేదిక‌గా విడుద‌ల చేస్తున్నారు. నార‌ప్ప చిత్రాన్ని ఓటీటీలో విడుద‌ల చేసిన వెంకీ ఇప్పుడు దృశ్యం 2 చిత్రాన్ని కూడా అమెజాన్ ప్రైమ్ వేదిక‌గా రిలీజ్ చేశారు. ఈ చిత్రంలో మీనా, కృతిక, ఎస్తర్‌ అనిల్‌, సంపత్ రాజ్‌, నదియా, నరేశ్‌, పూర్ణ, తనికెళ్ల భరణి, సత్యం రాజేశ్‌, షఫీ తదితరులు ప్ర‌ధాన పాత్ర‌లు పోషించ‌గా, అనూప్ రూబెన్స్ సంగీతం అందించారు. జీతూ జోసెఫ్ ద‌ర్శ‌క‌త్వం వ‌హించారు.
2014లో వచ్చిన సూపర్‌హిట్‌ ఫిల్మ్‌ ‘దృశ్యం’కి రీమేక్ గా తెర‌కెక్కిన దృశ్యం 2లో రాంబాబుగా వెంకటేశ్‌ తన కుటుంబాన్ని కాపాడుకోవటం కోసం ఏం చేశాడు ? ఎలాంటి నిర్ణయాలు తీసుకున్నాడు తెలియాలంటే ‘దృశ్యం2’ చూడాల్సిందే! రాంబాబు (వెంకటేష్), వరుణ్ (నదియా కొడుకు) మృతదేహాన్ని పోలీస్ స్టేషన్ కింద పూడ్చి పెట్టేసి, ఆ హత్య కేసులో ఎలాంటి క్లూ లేకుండా చేస్తాడు. ఆరేళ్లు గడుస్తున్నా వరుణ్ తల్లిదండ్రులు తమ కొడుకును ఎవరు చంపారో తెలియక చస్తూ బతుకుంటారు. ఈ కేసులో రాంబాబుకు వ్యతిరేకంగా మరిన్ని సాక్ష్యాలను సేకరించి అతనిని అరెస్టు చేయడానికి పోలీస్ ఆఫీసర్ (సంపత్)ని నియమిస్తారు. ఈ సారి రాంబాబు ఎలా కాపాడుకుంటాడు.. అనేది సినిమా చూస్తే తెలుస్తుంది.
ప్రేక్షకుడి అంచనాలకు ఏమాత్రం తగ్గకుండా కథ, కథనాలను సిద్ధం చేసుకున్నాడు దర్శకుడు జీతూ జోసెఫ్ . ఇప్పటికే మలయాళంలో విడుదలైన చిత్రమే అయినా, తెలుగు ప్రేక్షకులకు కనెక్ట్‌ అయ్యేలా ఫ్రెష్‌లుక్‌తో సినిమాను తీర్చిదిద్దాడు. వరుణ్ మిస్సింగ్‌ కేసు పూర్తయి ఆరేళ్లు అయిన తర్వాత నుంచి కథను మొదలు పెట్టిన దర్శకుడు ఆ కేసు భయాలతో రాంబాబు భార్య, పిల్లలు ఎలాంటి మానసిక ఒత్తిడిని ఎదుర్కొంటున్నారన్నది చూపించాడు. వెంకీ తన కళ్లతో అద్భుతంగా ఎమోషన్స్‌ని పలికిస్తూనే, తన నటనతో ప్రేక్షకులను కట్టిపడేశాడు. మీనా ఈ సారి మంచి స్క్రీన్ స్పేస్‌ని పంచుకోవడంతో తన సపోర్టింగ్ రోల్‌ను పర్ఫెక్ట్‌గా పోషించింది. మిగ‌తా వారంద‌రూ తమ పాత్ర మేర న‌టించారు.
సినిమా స్లో మోషన్‌లో ప్రారంభం కావడం, కాసేపు కథనం నెమ్మదిగా సాగడం వంటి అంశాలు కొందరికి బోరింగ్‌గా అనిపించవచ్చు. కానీ ఫస్ట్ హాఫ్‌లో పరిచయం చేసిన పాత్రలకు అసలైన ప్రయోజనం ఏమిటనేది చివరలో తెలుస్తుంది. ఈ చిత్రంలో అనూప్ రూబెన్స్ అందించిన సంగీతం ఆకట్టుకుంది. కొన్ని కీలక ఎమోషన్స్ దగ్గర తాను ఇచ్చిన బ్యాక్‌గ్రౌండ్‌ స్కోర్ మంచి ఎఫెక్టివ్‌ గా కూడా ఉంది.‘దృశ్యం 2’ సినిమా కచ్చితంగా అన్ని అంచనాలను అందుకుందనే చెప్పాలి. క్లీన్ అండ్ గ్రిప్పింగ్‌గా ఈ సినిమా ప్రేక్ష‌కుల‌ని అల‌రిస్తోంది.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…