Sukumar : టాలీవుడ్ లో స‌క్సెస్ ఫుల్ ద‌ర్శ‌కుల్లో సుకుమార్ ఒక‌రు. ఈయ‌న తీసిన ఎన్నో చిత్రాలు హిట్ అయ్యాయి. ఈ మధ్యనే ఈయ‌న ద‌ర్శ‌క‌త్వంలో వ‌చ్చిన పుష్ప మూవీ ఎంత పెద్ద హిట్ అయిందో అంద‌రికీ తెలిసిందే. ఈ క్ర‌మంలోనే త్వ‌ర‌లోనే ఈయ‌న పుష్ప 2 మూవీని తెర‌కెక్కించ‌నున్నారు. అయితే అంద‌రు ద‌ర్శ‌కులు, న‌టీన‌టుల‌కు సెంటిమెంట్లు ఉన్న‌ట్లుగానే సుకుమార్‌కు కూడా ఒక సెంటిమెంట్ ఉంది. అదేమిటి.. దాని వెనుక ఉన్న విశేషాలు.. వంటి వివ‌రాల‌ను ఇప్పుడు తెలుసుకుందాం.
ద‌ర్శ‌కుడు సుకుమార్ త‌న చిత్రాలు షూటింగ్ స‌మ‌యంలో ఉన్న‌ప్పుడు ఆయ‌న షేవింగ్ చేయ‌రు. ట్రిమ్మింగ్ చేయ‌రు. గ‌డ్డాన్ని అలాగే పెంచుతారు. ఇక సినిమా రిలీజ్ అయ్యాకే షేవ్ చేస్తారు. కానీ ఆయ‌న త‌న సెంటిమెంట్‌ను ఈ మధ్యనే మార్చుకున్నారు. సినిమా రిలీజ్ అయినా స‌రే షేవ్ చేయ‌లేదు. కానీ ట్రిమ్ చేశారు. దీంతో ఆయ‌న గ‌డ్డాన్ని ట్రిమ్ చేసిన లుక్‌లో క‌నిపిస్తున్నారు. ఈ క్ర‌మంలోనే ఆయ‌న సెంటిమెంట్‌ను అయితే వ‌ద‌ల్లేదు. కానీ దాన్ని కాస్తంత మార్చారు. అందువ‌ల్లే ఆయ‌న ఇప్పుడు కూడా గ‌డ్డంతోనే క‌నిపిస్తున్నారు.
ఇక సుకుమార్ ద‌ర్శ‌క‌త్వంలో పుష్ప 2 మూవీ త్వ‌ర‌లోనే ప్రారంభం కానుండ‌గా.. ఆయ‌న ప్ర‌స్తుతం ఈ సినిమాకు సంబంధించి క‌థ‌ను సిద్ధం చేసే ప‌నిలో ఉన్నారు. అయితే ఏప్రిల్ నెల‌లోనే ఈ మూవీ షూటింగ్ ప్రారంభం కావ‌ల్సి ఉంది. కానీ అనేక కార‌ణాల వ‌ల్ల వాయిదా ప‌డుతూ వ‌స్తోంది. అయితే వ‌చ్చే నెల‌లో పుష్ప 2 షూటింగ్‌ను ప్రారంభిస్తార‌ని తెలుస్తోంది. అదే జ‌రిగితే వ‌చ్చే ఏడాది సంక్రాంతి వ‌ర‌కు లేదా వేస‌విలో ఈ సినిమా రిలీజ్ అవుతుంద‌ని భావించ‌వ‌చ్చు. మ‌రి దీనిపై వివ‌రాల‌ను ఎప్పుడు వెల్ల‌డిస్తారో చూడాలి.
