Naga Shourya : టాలీవుడ్ గ్లామ‌ర్ హీరో నాగ శౌర్య గురించి ప్ర‌త్యేక ప‌రిచ‌యాలు అక్క‌ర్లేదు. కెరీర్‌లో విభిన్న క‌థా చిత్రాలు చేస్తున్నా కూడా మంచి హిట్స్ ప‌డ‌డం లేదు. ఛ‌లో సినిమా నాగ శౌర్య కెరీర్‌లో పెద్ద హిట్‌గా నిలిచింది.చందమామ కథలు సినిమాతో తెలుగు ప్రేక్షకులకు పరిచయం అయ్యాడు నాగశౌర్య. అయితే ఈ సినిమాతో ఆయనకు తెలుగులో ఎటువంటి గుర్తింపు రాలేదు. అవసరాల శ్రీనివాస్ దర్శకత్వంలో వచ్చిన ఊహలు గుసగుసలాడే సినిమా ప్రేక్షకులకి ద‌గ్గ‌ర‌య్యేలా చేసింది. మంచి క‌థల‌ని ఎంపిక చేసుకుంటూ సినిమాలు చేస్తున్న నాగ శౌర్య‌కు స‌రైన విజ‌యం అయితే ద‌క్క‌డం లేదు.
అయితే నాగశౌర్య.. యంగ్ టైగర్ ఎన్టీఆర్ కి బంధువు అని ఎప్ప‌టి నుండో ప‌లు వార్త‌లు హ‌ల్ చ‌ల్ చేస్తూనే ఉన్నాయి. గ‌తంలో దీనిపై నాగ శౌర్య స‌మాధానం ఇచ్చాడు. నాకు, జూనియర్ ఎన్టీఆర్ కి ఎటువంటి రిలేషన్ లేదు. నేను ఎన్టీఆర్ కి అందరిలాగే అభిమానినే, కానీ అతనితో ఎటువంటి సంబంధం లేదు. చిత్ర పరిశ్రమలో నటుడికి ఫ్యామిలీ బ్యాక్ గ్రౌండ్ ఉన్నా అది వారికి అంతగా ఉపయోగపడదు.. అని చెప్పాడు నాగాశౌర్య. అయితే తాజాగా ఇదే విష‌యంపై శౌర్య త‌ల్లి ఉష స్పందించారు.
ఎన్టీఆర్ తమ బంధువు కాదని ఉష వెల్లడించారు. ఎన్టీఆర్ భార్య.. ప్రణతి కజిన్ శౌర్యకి సన్నిహితురాలు. అలాగే ఆమె తండ్రికి తన కొడుకు గురించి కూడా బాగా తెలుసు . అంతే త‌ప్ప ఎన్టీఆర్‌తో తమకు ఎలాంటి సంబంధం లేదని, కేవలం ఫ్యామిలీ ఫ్రెండ్స్ మాత్రమే అని చెప్పుకొచ్చింది. నాగ శౌర్య తన కెరీర్‌లో బ్యాక్ టు బ్యాక్ సినిమాలు చేస్తున్నాడు . ఆఫ్ స్క్రీన్‌కి భిన్నమైన వ్యక్తిగా పేరు పొందాడు. అతను షూటింగ్‌కి సెల్‌ఫోన్‌ను కూడా తీసుకెళ్లడు. ఈ విష‌యం గురించి త‌ల్లే చెప్పింది. చాలా ప‌ద్ద‌తిగా ఉంటూ ప్ర‌శంస‌లు పొందే నాగ శౌర్యకి ఇటీవ‌లి కాలంలో హిట్ అనేది అందని ద్రాక్ష అయింది.
ఇటీవలే లక్ష్య, వరుడు కావలెను వంటి సినిమాలతో ప్రేక్షకుల ముందుకు వచ్చాడు శౌర్య. తాజాగా ఈ యంగ్ హీరో మరో ఆసక్తికరమైన ప్రాజెక్ట్‌పై సంతకం చేశాడు. శ్రీ లక్ష్మీ వెంకటేశ్వర సినిమాస్ (SLV సినిమాస్) పతాకంపై ప్రొడక్షన్ నం.6గా సుధాకర్ చెరుకూరి నిర్మించబోయే కొత్త చిత్రాన్ని నూతన దర్శకుడు పవన్ బాసంశెట్టితో చేయ‌నున్నాడు. కమర్షియల్ సబ్జెక్ట్‌తో రూపొంద‌నున్న ఈ చిత్రంలో నావ‌ల్‌పాయింట్ నాగ శౌర్యను ఆక‌ట్టుకుంది. తెలుగు నూతన సంవత్సరం – ఉగాది సందర్భంగా శ‌నివారం నాడు ప్రకటించబడిన ఈ చిత్రంలో నాగశౌర్య స‌రికొత్త‌గా క‌నిపించ‌నున్నాడు.
