Lahari : రూ.5 ల‌క్ష‌లు విలువ చేసే బైక్‌ను కొన్న బిగ్ బాస్ ఫేమ్ ల‌హ‌రి..!

Lahari : చాలా మందికి స‌హజంగానే కార్లు, బైక్‌లు అంటే ఇష్టం ఉంటుంది. పురుషులు ఎక్కువ‌గా వీటిని ఇష్ట‌ప‌డుతుంటారు. మ‌హిళ‌ల‌కు కూడా అవి అంటే ఇష్ట‌మే ఉంటుంది. కానీ కొంద‌రు మాత్ర‌మే త‌మ క‌ల‌ల‌ను సాకారం చేసుకుంటుంటారు. ఇక బిగ్ బాస్ ఫేమ్ ల‌హ‌రి కూడా త‌న క‌ల‌ను నిజం చేసుకుంది. ఏకంగా రూ.5 ల‌క్ష‌లు విలువ గ‌ల బైక్‌ను కొనుగోలు చేసింది.

పాపుల‌ర్ టీవీ న‌టి, బిగ్ బాస్ 5 ఫేమ్ ల‌హ‌రి తాజాగా రూ.5 ల‌క్ష‌లు విలువ చేసే బీఎండ‌బ్ల్యూ జి310 జీఎస్ బైక్‌ను కొనుగోలు చేసింది. అనంతరం దాని ఫొటోల‌ను సోష‌ల్ మీడియాలో షేర్ చేసింది. అవి వైర‌ల్‌గా మారాయి. తాను ఎట్ట‌కేల‌కు ఈ అంద‌మైన బైక్‌ను సొంతం చేసుకున్నాన‌ని ఆమె తెలియ‌జేసింది.

ఇక ఆ బైక్‌ను న‌డిపిస్తూ ఆమె కొన్ని వీడియోల‌ను కూడా సోష‌ల్ మీడియాలో షేర్ చేసింది. త‌న‌కు లాంగ్ ట్రిప్‌లు వేయ‌డం అంటే భ‌లే ఇష్ట‌మ‌ని చెప్పుకొచ్చింది. కాగా ల‌హ‌రి ప్ర‌స్తుతం సినిమా అవ‌కాశాల కోసం ఎదురు చూస్తోంది.