Bandla Ganesh : బండ్ల గణేష్ న‌టుడిగానే కాదు సేవాత‌త్వం ఉన్న మ‌నిషిగానూ అంద‌రి మ‌న‌సులను గెలుచుకుంటూ ఉంటారు. గ‌తంలో ఎన్నో సేవా కార్య‌క్ర‌మాలు చేప‌ట్టిన బండ్ల తాజాగా ఓ నేపాలీ అమ్మాయిని దత్తత తీసుకొని ఆశ్చ‌ర్య‌ప‌రిచారు. ఈ విష‌యాన్ని ఓ ఇంట‌ర్వ్యూలో స్వ‌యంగా చెప్పారు బండ్ల గణేష్.
బండ్ల గణేష్ కి ఇద్ద‌రు కుమారులు, ఒక కూతురు ఉందన్న సంగతి తెలిసిందే. తన కొడుకులిద్దరినీ సోషల్ మీడియాలో బండ్ల గణేష్ పరిచయం చేశారు. ఇక తన కూతురిని ఏకంగా ఓంకార్ షోకి తీసుకొచ్చారు.
తాజాగా చిన్నారిని పరిచయం చేస్తూ.. నేపాలీ పాపను తాను పెంచుకుంటున్నట్టు తెలిపాడు. పాపను ఏడుస్తుంటే.. వాళ్ల అమ్మ త‌మ దగ్గర ఏమీ లేక పొద్దున, రాత్రి కేవలం పాలు మాత్రమే పట్టేదట. నా భార్య అలా చూసి.. మనం పెంచుకుందామని చెప్పింది. అలా ఇప్పుడు ఈ పాప మా ఇంట్లో ఓ మెంబర్ అయిపోయింది.. అందరూ కుక్కలు, పిల్లులు అని పెంచుకుంటారు. వాటి కోసం ఎంతో ఖర్చు పెడుతుంటారు.
నేను పాపను పెంచుకుందామని డిసైడ్ అయ్యా. ఆ పాప బాధ్యత తనది అని, మంచిగా పెంచాలి.. గొప్పగా చదివించాలని బండ్లన్న తెలిపాడు. ఇప్పుడు ఆ పాపే అందరినీ బెదిరించే స్థాయికి వచ్చిందని బండ్లన్న సరదాగా వ్యాఖ్యలు చేశాడు. మొత్తానికి ఓ పాపకు మాత్రం బండ్లన్న జీవితాన్ని ఇచ్చాడు. దాన్ని బట్టే బండ్లన్న ఎంత మంచి వాడనేది అర్ధ‌మ‌వుతుంద‌ని.. కామెంట్స్ చేస్తున్నారు.
