Amazon : ప్ర‌ముఖ ఈ-కామ‌ర్స్ సంస్థ అమెజాన్ ప్ర‌తి ఏడాది ద‌స‌రా స‌మ‌యంలో నిర్వ‌హించేలాగానే ఈసారి కూడా గ్రేట్ ఇండియ‌న్ ఫెస్టివల్ సేల్‌ను నిర్వ‌హించ‌నుంది. ఇప్ప‌టికే ఈ సేల్‌పై ప్ర‌క‌ట‌న చేయ‌గా.. ఇప్పుడు అధికారిక తేదీని ప్ర‌క‌టించింది. ఈ సేల్‌ను ఈ నెల 23వ తేదీ నుంచి నిర్వ‌హించ‌నున్నామ‌ని అమెజాన్ తెలియ‌జేసింది. ఈ క్ర‌మంలోనే ఈ సేల్‌లో అనేక ఆఫ‌ర్ల‌తోపాటు భారీ త‌గ్గింపు ధ‌ర‌ల‌ను కూడా అందివ్వ‌నున్నారు.
అమెజాన్ గ్రేట్ ఇండియ‌న్ ఫెస్టివల్ సేల్ ఈ నెల 23 నుంచి ప్రారంభం కానుండ‌గా.. ఈ సేల్ ముగింపు తేదీని ప్ర‌క‌టించ‌లేదు. కానీ దీపావ‌ళి పండుగ వ‌ర‌కు ఈ సేల్ కొన‌సాగుతుంద‌ని తెలుస్తోంది. అయితే దీనిపై అమెజాన్ త్వ‌ర‌లో మ‌ళ్లీ ఇంకో తేదీని ప్ర‌క‌టిస్తుంద‌ని స‌మాచారం. ఇక ఈ సేల్‌లో భాగంగా అనేక కంపెనీల‌కు చెందిన అనేక ర‌కాల ఉత్ప‌త్తుల‌పై భారీ రాయితీల‌ను అందివ్వ‌నున్నారు. అలాగే అనేక ఆఫ‌ర్ల‌ను కూడా అందివ్వ‌నున్నారు.
అమెజాన్ గ్రేట్ ఇండియ‌న్ ఫెస్టివల్ సేల్‌లో రెడ్‌మీ 11 ప్రైమ్ 5జి, రెడ్‌మీ ఎ1 ఫోన్ల‌ను లాంచ్ చేసి విక్ర‌యిస్తారు. అలాగే ఫోన్ల‌పై 40 శాతం వ‌ర‌కు రాయితీల‌ను అందిస్తారు. ఈ క్ర‌మంలోనే శాంసంగ్ గెలాక్సీ ఎం13 5జి, ఐక్యూ 9టి, రెడ్‌మీ నోట్ 11, షియోమీ 11టి ప్రొ 5జి త‌దిత‌ర ఫోన్ల‌పై డిస్కౌంట్ల‌ను పొంద‌వ‌చ్చు. అలాగే ఎల్‌జీ గ్రామ్ ల్యాప్‌టాప్ పై 30 శాతం డిస్కౌంట్‌ను అందిస్తారు. టీవీలు, గృహోప‌క‌ర‌ణాల‌పై ఏకంగా 60 శాతం డిస్కౌంట్‌ను పొంద‌వ‌చ్చు.
ఈ సేల్‌లో కిచెన్ ఉత్ప‌త్తుల‌పై 70 శాతం వ‌ర‌కు రాయితీని అందివ్వ‌నున్నారు. అలాగే ల్యాప్‌టాప్‌ల‌పై 75 శాతం వ‌ర‌కు, అలెక్సా ఫైర్ టీవీ, కిండిల్ ఉత్ప‌త్తుల‌పై 55 శాతం వ‌ర‌కు డిస్కౌంట్‌ను పొంద‌వ‌చ్చు. ఇక ఎస్‌బీఐ కార్డుల‌తో కొనుగోలు చేస్తే అద‌నంగా మ‌రో 10 శాతం వ‌ర‌కు ఇన్‌స్టంట్ డిస్కౌంట్‌ను ఇస్తారు. ఇక క్రెడిట్‌, డెబిట్ కార్డు ఈఎంఐ స‌దుపాయాన్ని కూడా అందివ్వ‌నున్నారు.
