Drumstick Leaves : మన చుట్టూ ప‌రిస‌రాల్లో ఎక్క‌డ చూసినా మ‌న‌కు మున‌గ చెట్లు ఎక్కువ‌గా క‌నిపిస్తుంటాయి. ఇవి గ్రామీణ ప్రాంతాల్లో అయితే ఇంకా ఎక్కువ‌గా క‌నిపిస్తుంటాయి. గ్రామాల్లో మ‌న‌కు మున‌క్కాయ‌లు, మున‌గాకులు విరివిగా ల‌భిస్తాయి. దాదాపుగా కొనాల్సిన ప‌నిలేదు. కానీ ప‌ట్ట‌ణాలు, న‌గ‌రాల్లో మాత్రం మ‌నం వీటిని కొనుగోలు చేయాల్సిందే. మున‌గ‌కాయ‌ల‌ను చాలా మంది కూర‌ల్లో వేస్తుంటారు. వీటితో సాంబార్‌, ప‌ప్పు, ట‌మాటా కూర వంటివి చేస్తుంటారు. అయితే వాస్త‌వానికి మున‌క్కాయ‌లు మాత్ర‌మే కాదు.. మున‌గ ఆకులు కూడా మ‌న‌కు ఎంత‌గానో మేలు చేస్తాయి. వీటిని త‌ర‌చూ తీసుకోవడం వ‌ల్ల ఎన్నో లాభాల‌ను పొంద‌వ‌చ్చు.
మున‌గాకుల‌ను మ‌నం కూర‌గా వండుకుని తిన‌వ‌చ్చు. లేదా జ్యూస్ చేసి 30 ఎంఎల్ మోతాదులో వాడుకోవ‌చ్చు. అలాగే ఆకుల‌ను ఎండ‌బెట్టి పొడి చేసి రోజూ 1 టీస్పూన్ మోతాదులో నీటిలో క‌లిపి కూడా తీసుకోవ‌చ్చు. లేదా మున‌గాకుల‌ను నీటిలో వేసి మ‌రిగించి ఆ నీటిని ఒక క‌ప్పు మోతాదులో తాగ‌వ‌చ్చు. ఇలా మున‌గాకుల‌ను ఎలా అయినా తీసుకోవ‌చ్చు. అలాగే వీటితో రోటీ కూడా చేసి తిన‌వ‌చ్చు. ఇలా మున‌గాకుల‌ను తీసుకోవడం వ‌ల్ల ఎన్నో ప్ర‌యోజ‌నాలు క‌లుగుతాయి. అవేమిటో ఇప్పుడు తెలుసుకుందాం.
Drumstick Leaves
మున‌గాకుల్లో అనేక ర‌కాల విట‌మిన్లు, యాంటీ ఆక్సిడెంట్లు, మిన‌ర‌ల్స్ ఉంటాయి. అందువ‌ల్ల వీటిని పోష‌కాల గ‌నిగా చెప్ప‌వ‌చ్చు. ఈ ఆకుల్లో విట‌మిన్లు ఎ, బి1, బి2, బి6, సి ఇంకా ఫొలేట్ ఉంటాయి. అలాగే మెగ్నిషియం, కాల్షియం, జింక్‌, ఐర‌న్‌, ఫాస్ఫ‌ర‌స్ కూడా స‌మృద్ధిగానే ఉంటాయి. ఇవ‌న్నీ మ‌న‌కు ఆరోగ్య‌క‌ర‌మైన ప్ర‌యోజ‌నాల‌ను అందిస్తాయి. వ్యాధుల‌ను త‌గ్గించేందుకు స‌హాయ ప‌డ‌తాయి. మున‌గాకుల్లో యాంటీ ఇన్‌ఫ్లామేట‌రీ గుణాలు పుష్క‌లంగా ఉంటాయి. అందువ‌ల్ల కీళ్లు, మోకాళ్ల నొప్పులు, వాపులు సుల‌భంగా త‌గ్గుతాయి. ఇందుకు గాను మున‌గాకుల‌ను రోజూ తీసుకోవాల్సి ఉంటుంది.
మున‌గాకుల‌ను తిన‌డం వ‌ల్ల క్యాన్సర్ రాకుండా అడ్డుకోవ‌చ్చ‌ని ప‌రిశోధ‌కులు చెబుతున్నారు. అలాగే ప‌లు ర‌కాల ఆటో ఇమ్యూన్ వ్యాధుల నుంచి కూడా ర‌క్ష‌ణ ల‌భిస్తుంది. మున‌గాకుల్లో విట‌మిన్ సి, బీటా కెరోటీన్ అధికంగా ఉంటాయి. ఇవి యాంటీ ఆక్సిడెంట్ల మాదిరిగా ప‌నిచేస్తాయి. అందువ‌ల్ల గుండె జ‌బ్బులు, డయాబెటిస్, క్యాన్సర్, అల్జీమ‌ర్స్ వంటి వ్యాధులు రాకుండా అడ్డుకోవ‌చ్చు. ఈ ఆకుల్లో క్వ‌ర్సెటిన్ అనే యాంటీ ఆక్సిడెంట్ ఉంటుంది. ఇది హైబీపీని త‌గ్గిస్తుంది. అందువ‌ల్ల మున‌గాకులు హైబీపీ ఉన్న‌వారికి ఎంత‌గానో మేలు చేస్తాయ‌ని చెప్ప‌వ‌చ్చు. ఇక ఈ ఆకుల్లో క్లోరోజెనిక్ యాసిడ్ అనే ఇంకో యాంటీ ఆక్సిడెంట్ ఉంటుంది. ఇది షుగ‌ర్ లెవ‌ల్స్‌ను కంట్రోల్‌లో ఉంచుతుంది. దీంతో డయాబెటిస్ అదుపులో ఉంటుంది. క‌నుక షుగ‌ర్ ఉన్న‌వారు రోజూ మున‌గాకుల‌ను తీసుకుంటే మేలు జ‌రుగుతుంది.
ఈ ఆకుల‌ను తీసుకోవడం వ‌ల్ల కొలెస్ట్రాల్ లెవ‌ల్స్ త‌గ్గుతాయి. దీంతో గుండె ఆరోగ్యంగా ఉంటుంది. ఈ ఆకుల‌ను తీసుకోవడం వ‌ల్ల అనేక ర‌కాల జీర్ణ స‌మ‌స్య‌ల నుంచి బ‌య‌ట ప‌డ‌వ‌చ్చు. ముఖ్యంగా క‌డుపు ఉబ్బ‌రం, మ‌ల‌బ‌ద్ద‌కం, గ్యాస్‌, అల్స‌ర్లు వంటివి త‌గ్గుతాయి. ఈ ఆకుల్లో కాల్షియం, ఫాస్ఫ‌ర‌స్ అధికంగా ఉంటాయి. అందువ‌ల్ల ఎముక‌ల‌ను ఆరోగ్యంగా ఉంచుతాయి.
మున‌గాకుల్లో అనేక ర‌కాల యాంటీ ఆక్సిడెంట్లు, పోష‌కాలు ఉంటాయి. ఇవి చ‌ర్మాన్ని ఆరోగ్యంగా ఉంచుతాయి. కాంతివంతంగా మారుస్తాయి. జుట్టును సంర‌క్షిస్తాయి. శిరోజాలు ఒత్తుగా, దృఢంగా పెరుగుతాయి. అలాగే చుండ్రు త‌గ్గుతుంది. శిరోజాలు కాంతివంతంగా మారుతాయి. ఇలా మున‌గాకుల‌తో మ‌నం ఎన్నో ప్ర‌యోజ‌నాల‌ను పొంద‌వ‌చ్చు. క‌నుక వీటిని తీసుకోవడం మ‌రిచిపోకండి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…