పవర్ స్టార్ పవన్ కల్యాణ్‌ ప్రస్తుతం వరుస సినిమాలతో ఎంత బిజీగా ఉన్నారు. ఈ క్రమంలోనే పవన్ కల్యాణ్‌ మలయాళంలో ఎంతో విజయవంతమైన “అయ్యప్పనమ్ కోషీయమ్” సినిమాను తెలుగులో రీమేక్ చేస్తున్న సంగతి మనకు తెలిసిందే. “భీమ్లా నాయక్” అనే టైటిల్ తో తెరకెక్కుతున్న ఈ సినిమాలో పవన్ కల్యాణ్‌ ఒక పవర్ ఫుల్ పోలీస్ ఆఫీసర్ పాత్రలో కనిపిస్తున్నారు. పవన్ కళ్యాణ్ పుట్టినరోజు సందర్భంగా ఈ సినిమా నుంచి టైటిల్ సాంగ్ విడుదల చేయగా ఈ పాట సోషల్ మీడియాలో వైరల్ అవుతోంది.
పవన్ కల్యాణ్‌ పుట్టినరోజు జరుపుకుంటున్న నేపథ్యంలో ఆయన సినిమాకు సంబంధించిన వరుస అప్‌డేట్‌ లను విడుదల చేస్తూ పవన్ అభిమానులకు మంచి ట్రీట్ ఇవ్వడంతో పవన్ అభిమానులు ఫుల్ ఖుషీగా ఉన్నారు. ఈ క్రమంలోనే పవన్ కల్యాణ్‌ క్రిష్ దర్శకత్వంలో నటిస్తున్న హరి హర వీరమల్లు చిత్రం విడుదల తేదీని కూడా పవన్ పుట్టినరోజు సందర్భంగా అధికారికంగా ప్రకటించారు.
Presenting to you all our proud association with @PawanKalyan Gaaru for the prestigious #ProductionNo9 💥 @SRTmovies @itsRamTalluri @DirSurender @VamsiVakkantham#HBDJanaSenaniPawanKalyan pic.twitter.com/c1Hgm7tr8n
— SRT Entertainments (@SRTmovies) September 2, 2021
ఇకపోతే పవన్ కల్యాణ్‌ పుట్టిన రోజు సందర్భంగా సురేందర్ రెడ్డి దర్శకత్వంలో పవన్ హీరోగా వస్తున్న తన 29వ చిత్రానికి సంబంధించిన అప్‌డేట్‌ ను చిత్రబృందం విడుదల చేసింది. ఈ క్రమంలోనే ఈ సినిమాకు సంబంధించి యథా కాలమ్.. తథా వ్యవహారమ్ అంటూ ఓ పోస్టర్‌ను వదలడంతో ఈ పోస్టర్ వైరల్ గా మారింది. సురేందర్ రెడ్డి దర్శకత్వంలో తెరకెక్కుతున్న ఈ సినిమాకు వక్కంతం వంశీ కథను అందించగా రామ్ తాళ్లూరి నిర్మిస్తున్నారు. సురేందర్ రెడ్డి, వక్కంతం కాంబినేషన్ లో ఇప్పటివరకు కిక్, రేసుగుర్రం వంటి బ్లాక్ బస్టర్ చిత్రాలు వచ్చాయి. ఆ తర్వాత పవన్ హీరోగా వస్తున్న ఈ సినిమాపై అభిమానులు భారీ అంచనాలు పెట్టుకున్నారు.
