మీరు బ్యాంకు ఉద్యోగాలకు ప్రిపేర్ అవుతున్నారా? అయితే మీకు ఇది శుభవార్తే.. ముంబై ప్రధానంగా పనిచేస్తున్నటువంటి ఇండస్ర్టియల్‌ డెవలప్‌మెంట్‌ బ్యాంక్ ఆఫ్ ఇండియా (IDBI) ఒప్పంద ప్రాతిపదికనఖాళీగా ఉన్నటువంటి 920 ఎగ్జిక్యూటివ్ పోస్టులను భర్తీ చేయడానికి నోటిఫికేషన్ విడుదల చేసింది. ఈ ఉద్యోగానికి దరఖాస్తు చేసుకునే అభ్యర్థులు ఏదైనా గ్రాడ్యుయేషన్ ఉత్తీర్ణత సాధించి ఉండాలి.
ఈ ఉద్యోగానికి దరఖాస్తు చేసుకునేవారు ఆగస్టు 18 లోగా దరఖాస్తు చేసుకోవాలి. ఇప్పటికే దరఖాస్తు స్వీకరణ ప్రక్రియ ప్రారంభమైంది. ఈ నోటిఫికేషన్ కి సంబంధించిన పూర్తి సమాచారాన్ని అభ్యర్థులు క్రింది తెలిపిన అధికారిక వెబ్ సైట్ సంప్రదించవలెను.https://www.idbibank.in/
ఈ ఉద్యోగానికి దరఖాస్తు చేసుకునే అభ్యర్థులు గ్రాడ్యుయేషన్ కనీసం 55 శాతం మార్కులతో ఉత్తీర్ణత సాధించి ఉండాలి. అభ్యర్థుల వయస్సు జులై 1 నాటికి 20 నుంచి 25 ఏళ్ల మధ్య ఉండాలి. ఆన్లైన్ పరీక్ష ద్వారా అభ్యర్థులను ఎంపిక చేస్తారు. ఈ ఉద్యోగాలకు ఆన్లైన్ ద్వారా మాత్రమే దరఖాస్తు చేసుకోవాలి. దరఖాస్తు చేసుకోవడానికి ఎస్టీ ఎస్సీ ఫిజికల్లీ హ్యాండీక్యాప్డ్ అభ్యర్థులు 200 రూపాయలు పరీక్ష రుసుం చెల్లించాలి.ఇతరులు పరీక్ష రుసుం వెయ్యి రూపాయలు చెల్లించాల్సి ఉంటుంది. సెప్టెంబర్ 5న అభ్యర్థులకు రాత పరీక్షను నిర్వహిస్తారు.
