Balakrishna Manchu Vishnu : మా ఎన్నికల నేపథ్యంలో తన కుమారుడు మంచు విష్ణు ప్యానెల్కు మద్దతు తెలిపినందుకు గాను మోహన్ బాబు తాజాగా బాలకృష్ణను ఆయన నివాసంలో కలిసి కృతజ్ఞతలు తెలిపారు. ఈ సందర్బంగా మోహన్ బాబు మాట్లాడుతూ.. బాలకృష్ణ గొప్ప మనస్తత్వం ఉన్న వ్యక్తి అని అన్నారు. ఆయన వివాదాలకు అతీతుడని, జరిగింది ఏదీ మనస్సులో పెట్టుకోరని అన్నారు.
మంగళగిరిలో ఆయన అల్లుడికి వ్యతిరేకంగా వైసీపీతో కలిసి తాను ఎన్నికల క్యాంపెయిన్లో పాల్గొన్నానని మోహన్ బాబు తెలిపారు. అయినప్పటికీ బాలకృష్ణ గత విషయాలను గుర్తు పెట్టుకోకుండా.. మా ఎన్నికల్లో మంచు విష్ణు ప్యానెల్కు మద్దతు తెలిపారని.. ఆయన గొప్ప మనస్సు, వ్యక్తిత్వం ఉన్నవారని మోహన్ బాబు కొనియాడారు.
కాగా అక్టోబర్ 16వ తేదీన మంచు విష్ణు మా అధ్యక్షుడిగా ప్రమాణ స్వీకారం చేయనున్నారు. ఈ క్రమంలోనే ఆయన ఇండస్ట్రీలో అందరినీ కలిసి ప్రమాణ స్వీకారానికి ఆహ్వానిస్తున్నారు. ఇక మెగాస్టార్ చిరంజీవిని మంచు విష్ణు కలిసి ఆశీస్సులు తీసుకోవడమే కాకుండా.. ఆయనను కూడా ప్రమాణ స్వీకారోత్సవానికి పిలవనున్నారు.