సాధారణంగా జంతు ప్రేమికులు ఏ కుక్కనో, పిల్లినో పెంచుకోవడం చూస్తుంటాము. సరదాగా మనం బయటకు వెళ్లినప్పుడు వాటిని వెంట తీసుకొని వెళ్తారు. లేదంటే కొందరు వాకింగ్ వెళ్ళినప్పుడు వాటికి తాడు కట్టి సరదాగా వాకింగ్ కు తీసుకు వెళ్లడం చూస్తుంటాము. ఈ క్రమంలోనే కుక్కలకు, పిల్లులకు ప్రత్యేకమైన ట్రైనింగ్ ఇస్తూ వాటిని వారి అనుసరనలో పెట్టుకుంటారు. ఈ విధంగా కుక్కలు, పిల్లులను పెంచుకోవడం మనం చూస్తున్నాము. కానీ మీరు ఎప్పుడైనా తొండను పెంచుకోవడం చూశారా ? వినడానికి ఆశ్చర్యంగా ఉన్నా ఇది నిజం.
అమెరికాలోని ఫ్లోరిడాకి చెందిన ఓ వ్యక్తి భిన్నంగా తొండను పెంచుకుంటున్నాడు. కుక్కల మాదిరిగా తొండ మెడకు దారం కట్టి దానిని తనతో పాటు పార్కుకి తీసుకెళ్తున్నాడు. ఆ తొండ కూడా అతను చెప్పిన విధంగానే చేస్తోంది. ఆ తొండకు ఆకలి వేసినప్పుడు నోరు తెరవగా ఆ వ్యక్తి దానికి ఆహారం పెడుతున్నాడు. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
ఈ వీడియో చూసిన నెటిజన్లు దానికి స్వేచ్ఛ కల్పించండి అంటూ కామెంట్లు చేయగా మరికొందరు అది తొండా.. లేక జురాసిక్ పార్క్ సినిమాలోని పిల్ల డైనోసారా.. అంటూ కామెంట్లు చేస్తున్నారు. అయితే ఈ విధమైనటువంటి వాటిని క్లామిడోసారస్ అని పిలుస్తారు. ఇవి ఎక్కువగా ఆస్ట్రేలియాలో కనిపిస్తాయి. ఇవి ఎవరికీ హాని తలపెట్టవు. ఎక్కువగా ఇలాంటి తొండలు చెట్లపై నివసిస్తూ ఉంటాయి. ఇవి తోకతో కలిపి మొత్తం 85 సెంటీ మీటర్ల పొడవు ఉంటాయి. ప్రస్తుతం ఈ తొండకి సంబంధించిన వీడియో సోషల్ మీడియాలో వైరల్ గా మారింది.