వీడియో వైరల్: బావిలో పడిన తన బిడ్డ కోసం ఆ కోతి చేసిన సాహసం చూస్తే.. హ్యాట్సాఫ్ అంటారు..

తల్లి ప్రేమ అనేది ఎవరిలోనైనా ఒకే విధంగా ఉంటుంది. అది జంతువులైనా, పక్షులైనా, మనుషులు అయినా జాతి మారినప్పటికీ తల్లిప్రేమ మాత్రం మారదు. తన బిడ్డలను రక్షించుకోవడం కోసం ఎంతో ఆవేదన చెందుతూ తనబిడ్డ సుఖంగా ఉండాలని కోరుకుంటుంది. ఇక తన బిడ్డకు ఏదైనా ఆపద వస్తే తల్లి తన ప్రాణాలను అడ్డుగా వేసి తన బిడ్డ ప్రాణాలను రక్షించుకుంటుంది. తాజాగా ఇలాంటి ఘటనకు సంబంధించిన వీడియో ఒకటి సోషల్ మీడియాలో వైరల్ గా మారింది.

ఈ వీడియోలో ఒక కోతి బావి గట్టున నిలబడి ఎంతో కంగారుగా బావిలోకి చూస్తూ గట్టుపై చక్కర్లు కొడుతోంది. అయితే తనపిల్ల బావిలో పడటంతో తన పిల్లలను ఎలా రక్షించుకోవాలని ఈ తల్లికోతి ఎంతో కంగారు పడుతోంది. ఎలాగైనా తన బిడ్డ ప్రాణాలను రక్షించుకోవాలని ఎన్నో ప్రయత్నాలు చేసింది. చివరికి తను చేసే సాహసం ప్రమాదం అని తెలిసినప్పటికీ తన ప్రాణాలను అడ్డువేసి తన బిడ్డ ప్రాణాలను కాపాడాలని ప్రయత్నించింది.

ఈ క్రమంలోనే తల్లి కోతి బావి గట్టును పట్టుకొని బావి లోపలికి తన తోకను వేలాడదీయడంతో పిల్లకోతి తన తల్లి తోకను పట్టుకొని పైకి ఎక్కుతూ బావిగట్టు చేరుకుంది. ఇలా తన ప్రాణాలను అడ్డు వేసి తన బిడ్డ ప్రాణాలను కాపాడిన కోతిని చూస్తే తల్లి ప్రేమకు ఎవరైనా ఫిదా కావాల్సిందేనని ఈ వీడియో చూస్తే చెప్పవచ్చు. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.