సాధారణంగా సెలబ్రిటీలు ఉపయోగించే ప్రతి వస్తువు కూడా ఎంతో ఖరీదైనదై ఉంటుంది. వారు తీసుకునే ఆహారం నుంచి వారు ధరించే దుస్తులు, వాడే కార్లు, ఉండే బంగ్లాలు, షూస్, వాచ్ వంటి వాటికి అధిక ధర చెల్లిస్తుంటారు. ఈ క్రమంలోనే టీమిండియా క్రికెటర్
హార్దిక్ పాండ్యా ప్రస్తుతం విదేశీ పర్యటనలో తెగ ఎంజాయ్ చేస్తుండగా హార్దిక్ తన ఫోటోలను సోషల్ మీడియా వేదికగా పంచుకున్నాడు. దీంతో ఆ ఫోటోలు వైరల్ గా మారాయి.
ఈ ఫోటోలను షేర్ చేయడంతో అందరి దృష్టి హార్దిక్ చేతి వాచ్ పై పడింది. ప్రస్తుతం సోషల్ మీడియాలో హార్థిక్ వాచ్ గురించి పెద్ద ఎత్తున చర్చలు జరుగుతున్నాయి. ఈ వాచ్ సాధారణ వాచ్ మాదిరి కాకుండా దీని డయల్ చుట్టూ 32 బగుట్టే కట్ పచ్చ (మరకతం) రాళ్లను సెట్ చేశారు. అదేవిధంగా వాచ్ మొత్తం ప్లాటినంతో తయారు కావడమే ఈ వాచ్ ప్రత్యేకత.
ఎంతో ప్రత్యేకత కలిగిన ఈ వాచ్ ధర తెలిస్తే మాత్రం ప్రతి ఒక్కరు షాక్ అవ్వాల్సిందే. అక్షరాలా ఈ వాచ్ ధర 5 కోట్ల రూపాయలు. ముఖ్యంగా ఈ వాచ్ డయల్ లో డార్క్ గ్రే ఉండటం వల్ల ఈ వాచ్ అత్యంత ధర పలికింది. వాచ్లు అంటే ఎంతో ఇష్టం ఉన్నా హార్దిక్ ఈ విధంగా ఎంతో వెరైటీ ఉన్న వాటిని కలెక్ట్ చేస్తూ ఉంటాడు. ఇలా ఎన్నో రకాల వెరైటీలు ఉన్న వాచ్లు అతడి దగ్గర చాలా ఉన్నాయి. ప్రస్తుతం హార్దిక్ వాచ్ కి సంబంధించిన ఈ ఫోటోలు సోషల్ మీడియాలో వైరల్ అయ్యాయి.