Tortoise Ring : తాబేలు ఉంగ‌రం ధ‌రిస్తే.. ఏం జ‌రుగుతుందో తెలుసా..?

Tortoise Ring : చాలా మంది వేళ్ళకి ఉంగరాలని పెట్టుకుంటుంటారు. కొంతమంది జాతకం చూపించుకుని, జాతకంలో ఉండే వాటికి పరిహారం కింద ఉంగరాలని పెట్టుకుంటారు. అప్పుడు అదృష్టం వస్తుందని భావిస్తారు. ఎక్కువ మంది దేవుడు బొమ్మలు ఉన్న ఉంగరాలని ధరిస్తారు. చాలా మంది తాబేలు ఉంగరాన్ని కూడా ధరిస్తూ ఉంటారు, తాబేలు ఉంగరాన్ని పెట్టుకునేటప్పుడు ఈ తప్పులను మాత్రం అస్సలు చేయకూడదు.

తాబేలు గుర్తు ఉన్న ఉంగరాన్ని పెట్టుకుంటే జీవితంలో విజయాన్ని అందుకుంటారు. తాబేలు ఉంగరాన్ని మనం ఇష్టానుసారంగా పెట్టుకోకూడదు. వాటిని పెట్టుకునేటప్పుడు కొన్ని నియమాలు కచ్చితంగా ఉంటాయి. మరి ఆ నియమాల గురించి ఇప్పుడు తెలుసుకుందాం… తాబేలు ఉంగరాన్ని ధరించడం వలన వ్యక్తి యొక్క జీవితంలో, చక్కటి మార్పులు చోటు చేసుకుంటాయి. తాబేలు ఉంగరాన్ని పెట్టుకునేటప్పుడు మధ్య వేలుకి కానీ చూపుడు వెలుగు కానీ పెట్టుకోవాలి.

పైగా ఎప్పుడూ కుడి చేతికి మాత్రమే పెట్టుకోవాలి. తాబేలు ముఖం మనకి ఎదురుగా ఉండాలి. వ్యతిరేక దిశలో ఉండకూడదు. శుక్రవారం సంపదకి దేవత అయిన లక్ష్మీదేవికి పవిత్రమైన రోజు. ఈ రోజు మాత్రమే తాబేలు ఉంగరాన్ని పెట్టుకోవాలి. పంచదాతు, అష్టధాతు, వెండి తాబేలు ఉంగరం పెట్టుకుంటే మంచిది.

ఉంగరాన్ని పెట్టుకునే ముందు, ఉంగరాన్ని పచ్చి పాలల్లో నానబెట్టాలి. తర్వాత లక్ష్మీదేవి చిత్రానికి కానీ విగ్రహానికి కానీ పూజ చేసి, తర్వాత ఉంగరాన్ని పెట్టుకుంటే చక్కటి ఫలితాన్ని పొందవచ్చు. పదేపదే ఉంగరాన్ని వేళ్ళ నుంచి తీయకూడదు. ఇలా తాబేలు ఉంగరాన్ని మీరు పెట్టుకుంటే సంపద, శ్రేయస్సు పెరుగుతుంది. వ్యాపారంలో కూడా నష్టపోకుండా ఉంటారు.