ఇంటి ఫ్లోర్ ఏ రంగులో ఉంటే.. ఏం జరుగుతుందో తెలుసా ?

సాధారణంగా మనం ఇల్లు నిర్మించేటప్పుడు ఎన్నో వాస్తు శాస్త్ర పద్ధతులను నమ్ముతాము. ఈ క్రమంలోనే ఇంటి నిర్మాణం చేపట్టేటప్పుడు వాస్తు శాస్త్రాన్ని విశ్వసించి అన్నీ వాస్తు శాస్త్రం ప్రకారం కడతాము. వాస్తు శాస్త్రం ప్రకారం ఇంటిలో ఫ్లోర్ విషయానికి వస్తే ఏ రంగులో వేయటం వల్ల ఏ విధమైన ప్రయోజనాలు కలుగుతాయో ఇక్కడ తెలుసుకుందాం.

సాధారణంగా చాలా మంది ఇంటి ఫ్లోరింగ్ నలుపు రంగుతో వేస్తుంటారు. ఈ క్రమంలోనే నలుపురంగు టైల్స్ లేదా గ్రానైట్ బండలను వేస్తారు. ఈ విధంగా నలుపు రాయితో ఫ్లోర్ వేసుకున్న వారు, ఎంతో తెలివైన వారు అవుతారు. అలాంటి ఇంట్లో నివసించే వారు వేగంగా అభివృద్ధి చెందుతూ ఓ మంచి ఉన్నత స్థానంలో ఉంటారు. అదేవిధంగా తెలుపు రంగు ఫ్లోర్ వేసుకునేవారికి ఎప్పుడు ఇంట్లో డబ్బు కొదవుండదు. వీరి ఇంట్లో లక్ష్మీదేవి ఎప్పుడూ కొలువై ఉంటుందని వాస్తు శాస్త్ర నిపుణులు చెబుతున్నారు.

పసుపు రంగు ఫ్లోర్ వేసుకుంటే అలాంటి వారికి అన్ని శుభాలు కలుగుతాయి. ఇలాంటి వారికి అనూహ్యంగా ధనాభివృద్ధి కలుగుతుంది. అదేవిధంగా నీలం రంగు ఫ్లోర్ వేసుకుంటే ఆ ఇంటిలో నివసించే పిల్లల భవిష్యత్తు బాగుంటుందని పండితులు చెబుతున్నారు. పొరపాటున కూడా ఎరుపు రంగు ఫ్లోర్ వేసుకోకూడదని, ఈ విధమైన రంగును ఇంటిలో ఫ్లోర్‌కు వేయడం వల్ల ఎల్లప్పుడూ గొడవలు, మానసిక ఆందోళనలు, చికాకులు వెంటాడుతాయని పండితులు చెబుతున్నారు.