ఆధార్ లో పుట్టిన తేదీ.. లింగం.. మార్చుకోవాలా.. అయితే ఇలా చేయండి..!

ప్రస్తుతం ఏ ప్రభుత్వ పథకాలైనా, వ్యక్తిగత విషయాలకు సంబంధించిన పనులు జరగాలన్నా ఆధార్ కార్డు తప్పనిసరి అయింది. ఆధార్ కార్డు లేనిదే ఏ పనులు జరగడం లేదు. ఒక సిమ్ కార్డు నుంచి మొదలు కొని బ్యాంక్ లోన్ వరకు ప్రతి చిన్న పనికి ఆధార్ కార్డు తప్పనిసరి అయింది. ఇలా ఎంతో ముఖ్యమైన ఆధార్ కార్డులో మన వివరాలు అన్నీ సక్రమంగా ఉన్నప్పుడే మన పనులన్నీ జరుగుతాయి. అయితే కొందరి ఆధార్ కార్డులలో పుట్టిన తేదీలు, లింగం వంటివి తప్పుగా పడుతుంటాయి. అలాంటి తప్పులను సరి చేయాలంటే నియమాలు ఎంతో కఠినంగా ఉంటాయి. మరి ఈ విధమైనటువంటి తప్పులను ఎలా సరిదిద్దుకోవాలి అంటే..?

పుట్టిన తేదీ వివరాలను, లింగం వంటి వివరాలలో తప్పు పడితే వాటిని సరి చేయాలంటే ఎంతో కష్టంతో కూడుకున్నది కనుక వాటిని నింపేటప్పుడు ఎంతో జాగ్రత్తగా వ్యవహరించాల్సి ఉంటుంది. ఒకవేళ ఇలాంటి వివరాలు తప్పుగా పడితే దరఖాస్తుదారుడు ఏదైనా ఆధార్ సెంటర్ కి వెళ్లి అక్కడ లింగం, పుట్టినతేదీ వివరాలను సరిచేసుకోవచ్చు.

ఆధార్ కేంద్రంలో ఉండే సిబ్బంది ఈ విధమైనటువంటి తప్పులను సరి చేయడానికి తిరస్కరిస్తే దరఖాస్తుదారులు వెంటనే 1947 నంబర్ కి ఫోన్ చేసి ఫిర్యాదు చేయవచ్చు. అవసరమనుకుంటే దరఖాస్తుదారుడు help@uidai.gov.in కు ఒక మెయిల్‌ కూడా పంపవచ్చు. దీని ఆధారంగా ఆధార్ లేదా UIDAI ఒక నిర్ణయం తీసుకుంటుంది. అప్పుడు సమస్య పరిష్కారం అవుతుంది.