మొబైల్స్ త‌యారీదారు వివో.. వై సిరీస్‌లో ఓ నూత‌న స్మార్ట్ ఫోన్ విడుద‌ల చేసింది. వివో వై21 పేరిట ఆ ఫోన్ విడుద‌లైంది. ఇందులో 6.51 ఇంచుల హెచ్‌డీ ప్ల‌స్ డిస్‌ప్లేను ఏర్పాటు చేశారు. ఆక్టాకోర్ హీలియో పి35 ప్రాసెస‌ర్‌ను అమ‌ర్చారు. 4జీబీ వ‌ర‌కు ర్యామ్ ల‌భిస్తుంది. అవ‌స‌రం అయితే ర్యామ్‌ను ఇంకో 1జీబీ వ‌ర‌కు పెంచుకోవ‌చ్చు.
ఈ ఫోన్‌లో వెనుక వైపు 13 మెగాపిక్స‌ల్ మెయిన్ కెమెరాను ఏర్పాటు చేశారు. మ‌రో 2 మెగాపిక్స‌ల్ డ్యుయ‌ల్ కెమెరాలు కూడా వెనుక ఉన్నాయి. ముందు వైపు 8 మెగాపిక్స‌ల్ కెమెరా ఉంది. ఫింగ‌ర్ ప్రింట్ సెన్సార్ ప‌క్క‌న ఉంది. దీంతో ఫోన్‌ను కేవ‌లం 0.22 సెక‌న్ల వ్య‌వ‌ధిలోనే అన్‌లాక్ చేయవచ్చు.
ఈ ఫోన్‌లో ఆండ్రాయిడ్ 11 ఓఎస్ ల‌భిస్తుంది. డ్యుయ‌ల్ సిమ్‌ల‌ను, మెమొరీ కార్డును వేసుకోవ‌చ్చు. 5000 ఎంఏహెచ్ బ్యాట‌రీ ల‌భిస్తుంది. దీనికి ఫాస్ట్ చార్జింగ్ స‌పోర్ట్‌ను ఇచ్చారు. డ్యుయ‌ల్ 4జి వీవోఎల్‌టీఈ, బ్లూటూత్ 5.0, యూఎస్‌బీ టైప్ సి వంటి ఇత‌ర ఫీచ‌ర్లు కూడా ఈ ఫోన్‌లో ఉన్నాయి.
వివో వై21 ఫోన్‌కు చెందిన 64జీబీ మోడ‌ల్ ధ‌ర రూ.13,990 ఉండ‌గా, 128జీబీ మోడ‌ల్ ధ‌ర రూ.15,490గా ఉంది. ఈ ఫోన్‌ను వివో ఆన్‌లైన్ స్టోర్‌తోపాటు అమెజాన్‌, ఫ్లిప్‌కార్ట్‌, టాటా క్లిక్ వంటి సైట్లు, అన్ని రిటెయిల్ స్టోర్స్‌లో కొనుగోలు చేయవచ్చు.
