దోశ‌లు బాగా రావాలంటే ఏం చేయాలో తెలుసా ?

మ‌నం ర‌క ర‌కాల దోశ‌ల‌ను వేసుకోవ‌చ్చు. మినుములు, పెస‌లు, చిరు ధాన్యాలు.. ఇలా ర‌క ర‌కాల ధాన్యాల‌తో దోశ‌ల‌ను వేసుకోవ‌చ్చు. దోశ‌లు చాలా రుచిగా ఉంటాయి. అయితే ఎంత ప్ర‌య‌త్నించినా దోశ‌లు బాగా రావ‌డం లేద‌ని కొంద‌రు వాపోతుంటారు. మ‌రి దోశ‌లు బాగా రావాలంటే ఏం చేయాలో ఇప్పుడు తెలుసుకుందామా..!

* పిండి మరీ మెత్తగా పట్టకుండా కాస్తా బరకగా ఉండేలా రుబ్బుకోవాలి. దీంతో దోశ‌లు బాగా వ‌స్తాయి.

* పిండి మరీ గట్టిగా కలపకూడదు. కాస్తా పలచగా ఉంటేనే పేపర్ దోశ వస్తుంది.

* దోశ‌లు వేసే కొన్ని నిముషాల ముందు పిండిలో ఓ పావు టీ స్పూను వంట సోడా, ఓ స్పూను చక్కెర కలపాలి. దీంతో దోశ‌లు బాగా వ‌స్తాయి.

* దోశ‌లు వెయ్యడానికి కొన్నినిముషాల ముందు ఓ పిడికెడు అన్నం వేసి రుబ్బుకోవ‌చ్చు. లేదా రెండు టీస్పూన్ల అటుకులు వేసి రుబ్బుకోవ‌చ్చు. దీంతో దోశ‌లు ప‌ర్‌ఫెక్ట్ గా వ‌స్తాయి.

* దోశ పిండి పెనం మీద వేశాక మనం గరిటతో లేదా చిన్న గిన్నెతో ఆ పిండిని పెనమంతా విస్తరించేలా తిప్పుతాం. అయితే పిండిని గ‌డియారం ముల్లు తిరిగే ద‌శ‌లో కాకుండా వ్య‌తిరేక దిశ‌లో తిప్పాలి. దీంతో దోశ‌లు బాగా వ‌స్తాయి. క‌ర‌క‌ర‌లాడ‌తాయి.

* దోశ పిండిలో కొద్దిగా మ‌జ్జిగ వేసి దోశ‌లు వేస్తే పుల్ల‌గా ఉంటాయి. దోశ‌లు పుల్ల‌గా కావాల‌ని కోరుకునే వారు ఇలా ట్రై చేయ‌వ‌చ్చు.

* దోశలు పుల్ల‌గా రావాలంటే పిండిని బ‌య‌టే ఉంచాలి. అప్పుడే బాగా పులుస్తుంది. దీంతో దోశ‌లు పుల్ల‌గా ఉంటాయి. ఫ్రిజ్‌లో పెడితే పిండి పులియ‌దు.