Kajal Aggarwal : భారీ అంచనాల నడుమ ఏప్రిల్ 29న ప్రేక్షకుల ముందుకు వచ్చిన చిత్రం ఆచార్య. ఈ సినిమాలో చిరంజీవి, రామ్ చరణ్ ప్రధాన పాత్రలు పోషించడంతో అంచనాలు భారీగా పెరిగాయి. అందులోనూ కొరటాల శివ డైరెక్షన్ కావడంతో సినిమా హిట్ అనుకున్నారు. కానీ ఆ సినిమా దారుణంగా నిరాశపరచింది. మెగా అభిమానులు కూడా ఈ సినిమాను చూసి నీరసించిపోయారు. అయితే అందరిది ఒక బాధ అయితే వీడిది ఒక బాధ. ఈ సినిమాలో కాజల్ లేదని నానా హంగామా చేశాడు. ఏకంగా కిందపడి ఏడ్చేశాడు కూడా. ఇందుకు సంబంధించిన ఓ వీడియో నెట్టింట వైరల్ అవుతోంది.

కాజల్ లేదంటూ వాడు చేసిన హడావిడికి చుట్టు పక్కల జనాలు షాక్ అయ్యారు. సినిమా బాగుందని చెబుతూనే మధ్య మధ్యలోకాజల్ పేరు ప్రస్తావిస్తూ నానా హంగామా చేశాడు. మనోడు గతంలో పలు సినిమా థియేటర్ల వద్ద కూడా ఇలాంటి రచ్చనే చేశాడు. అయితే మనోడి స్పెషాలిటి ఏంటంటే సినిమాలో ప్రధాన పాత్ర పోషించిన వారిని ఎలివేట్ చేస్తూ డైలాగులు చెబుతుంటాడు. ఈ వీడియో చూస్తే మీరు పడి పడి నవ్వుతారు.
https://youtu.be/m-jPPozmQ9c
కొరటాల శివ దర్శకత్వం వహించిన ఈ చిత్రంలో రామ్చరణ్ సిద్ధ అనే ముఖ్య పాత్ర పోషించాడు. చరణ్కు జోడీగా పూజా హెగ్డె నటించింది. చిరంజీవి సరసన కాజల్ను తీసుకుని కొన్నిసన్నివేశాల చిత్రీకరణ కూడా జరిపారు. లాహే సాంగ్లో కాజల్ కనిపించింది. కానీ ట్రైలర్లో చూపించకపోవడంతో అనుమానాలు పుట్టుకొచ్చాయి. దానిపై ఇటీవల ఇంటర్వ్యూలో వివరణ ఇచ్చారు కొరటాల. కాజల్ పాత్రకు పెద్దగా ప్రాముఖ్యత లేకపోవడంతోనే ఆమెను తీసేసినట్లు పేర్కొన్నారు. నక్సలిజం సిద్ధాంతాలు ఉన్న వ్యక్తికి లవ్ ఇంట్రస్ట్ పెడితే బాగుండదని, అంత పెద్ద హీరోయిన్తో అలాంటి పాత్ర చేయిస్తే బాగుండదని అనిపించిందని.. అందుకనే ఈ సినిమాలోనుంచి ఆమె సీన్లను తొలగించామని తెలిపారు.
కాజల్ ఈ సినిమాలో నటించనప్పటికీ కాజల్ తన పారితోషికాన్ని పూర్తిగా అందుకుందని, అందుకే సైలెంట్ గా ఉందని సోషల్ మీడియాలో జోరుగా ప్రచారం జరుగుతోంది. దాదాపు కోటిన్నర రూపాయలు అందుకున్నట్టు సమాచారం. అయితే కాజల్ లేదని అతగాడు నానా హంగామా చేయడం అందరినీ షాక్కు గురి చేసింది.