Woman : ప్రపంచవ్యాప్తంగా మహిళలు నిత్యం ఏదో ఒక సమయంలో వేధింపులకు గురవుతూనే ఉన్నారు. అయితే వారిలో కొందరు మాత్రమే తమకు ఎదురయ్యే సంఘటనలపై పోరాటం చేస్తారు. ధైర్యంగా వారు పురుషులను ఎదుర్కొంటారు. ఇప్పుడు చెప్పేబోయే మహిళ కూడా సరిగ్గా ఇదే కోవకు చెందుతుంది. తనను వేధించిన ఓ ఆకతాయికి చాలా గట్టిగా బుద్ధి చెప్పింది. ఇంతకూ అసలు ఏం జరిగిందంటే..
మధ్యప్రదేశ్‌లోని ధార్‌ అనే ప్రాంతం నుంచి ఓల్డ్‌ నిసార్‌పూర్‌ అనే ప్రాంతానికి వెళ్లేందుకు ఒక మహిళ బస్‌ స్టాండ్‌ వద్ద నిలుచుని ఉంది. అయితే అదే సమయంలో అక్కడికి వచ్చిన ఓ యువకుడు ఆ మహిళను వేధింపులకు గురి చేశాడు. దీంతో ఆ మహిళ ఉగ్ర రూపం దాల్చింది. పారిపోతున్న ఆ యువకుడిని పట్టుకునేందుకు యత్నించింది. కానీ అతను దొరకలేదు.
చివరకు ఆ యువకుడు తన ఇంట్లోకి వెళ్లి దాక్కున్నాడు. అయినప్పటికీ ఆ మహిళ అతన్ని విడిచిపెట్టలేదు. వెంటబడి మరీ పట్టుకుంది. బయటకు ఈడ్చుకు వచ్చింది. అనంతరం అతని దుస్తులను మొత్తం విప్పేసి నగ్నంగా బజారులో నిలబెట్టింది. ఆ తరువాత ఒక రేంజ్‌లో అతన్ని ఆమె చితకబాదింది. ఈ క్రమంలోనే ఆ సమయంలో తీసిన వీడియో ఒకటి వైరల్‌గా మారింది. సదరు మహిళ ధైర్యానికి నెటిజన్లు అందరూ మెచ్చుకుంటున్నారు. ఇక ఆ ఘటన అనంతరం ఆ మహిళ ఆ యువకుడిని పోలీసులకు అప్పగించింది. అంతేకాకుండా అతనిపై కేసు పెట్టింది.
