Sai Pallavi : సాయిప‌ల్ల‌వి గురించి కంగారు ప‌డుతున్న అభిమానులు.. ఆమెకు ఏమైంది..?

Sai Pallavi : మ‌ల‌యాళ ముద్దుగుమ్మ సాయి ప‌ల్ల‌వికి ఉన్న క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ఆమెకు లేడీ ప‌వ‌ర్ స్టార్ అని సుకుమార్ ఓ ఈవెంట్‌లో బిరుదు ఇచ్చిన విష‌యం తెలిసిందే. రీసెంట్‌గా సాయి ప‌ల్ల‌వి శ్యామ్ సింగ‌రాయ్ చిత్రంతో ప్రేక్ష‌కుల ముందుకు వ‌చ్చింది. రాహుల్ సాంకృత్యాన్ దర్శకత్వంలో భారీ అంచనాల నడుమ ఈ సినిమా గ‌త ఏడాది డిసెంబర్ 24వ తేదీన రిలీజ్ అయింది. అయితే మూవీ ప్ర‌మోష‌న్‌లో భాగంగా హైదరాబాద్‌లో గ్రాండ్ ప్రీ రిలీజ్ ఈవెంట్ నిర్వహించారు మేకర్స్. ఈ ఈవెంట్‌లో సాయిపల్లవి స్టేజ్ మీదకు రాగానే ఈలలు, గోలలతో ప్రీ రిలీజ్ ప్రాంగణం అంతా హోరెత్తిపోయింది.

త‌న‌కు ఇంత క్రేజ్ ఉందా అని ఆశ్చ‌ర్య‌పోయింది. తీవ్ర భావోద్వేగంతో సాయిపల్లవి తన మనసులో మాట చెప్పింది. కళ అనేది దేవుడు ఇచ్చిన వరమని, సరస్వతీ దేవి అందరికీ ఆ కళ ఇస్తుంది. కానీ హార్డ్ వర్క్ చేసి కొంతమంది తమ రంగంలో స్థిరపడుతారని చెప్పుకొచ్చింది. ఆ కోవలో తాను ఉండి ఇంత ఆదరణ పొందుతున్నందుకు చాలా హ్యాపీగా ఉందని తెలిపింది. వేరే సినిమా ఈవెంట్‌లోనూ సాయి ప‌ల్ల‌వికి అదే రెస్పాన్స్ ద‌క్కింది. అయితే అంత క్రేజ్ ఉన్న ఈ ముద్దుగుమ్మ ఇటీవ‌ల ఏ ప్రాజెక్ట్ కీ సైన్ చేయ‌క‌పోవ‌డం ఆశ్చ‌ర్యాన్ని క‌లిగిస్తోంది.

గతేడాది శ్యామ్ సింగరాయ్ తో పలకరించిన ఈ భామ త్వర‌లో విరాట ప‌ర్వం చిత్రంతో ప‌లక‌రించ‌నుంది. ఈ సినిమా ఎప్పుడు వ‌స్తుందో అర్ధం కాని ప‌రిస్థితి. అయితే త‌న త‌దుప‌రి సినిమా కోసం సాయి ప‌ల్ల‌వి ఇంత గ్యాప్ తీసుకోవ‌డం ప‌ట్ల అభిమానులు ఆశ్చ‌ర్యం వ్యక్తం చేస్తున్నారు. సాయి పల్లవి ఎందుకు సైలెంట్ మోడ్ లోకి వెళ్లిపోయింది ? సినిమాలు ఎందుకు అంగీకరించడం లేదు ? అస్సలు ఇప్పడు ఎక్కడుంది ? అని అభిమానులు ఆరాలు తీస్తున్నారు. త‌న‌కు న‌చ్చిన క‌థ‌లు లేక‌పోవ‌డం వ‌ల్ల‌నే సాయి ప‌ల్ల‌వి సైన్ చేయ‌ట్లేద‌ని, అంత‌కు మించి వేరే రీజన్ లేద‌ని సన్నిహితులు అంటున్నారు. కాగా.. ఈ అమ్మ‌డు భోళా శంక‌ర్‌కి కూడా నో చెప్పిన విష‌యం తెలిసిందే.