Tollywood : క‌రోనా మొద‌టి వేవ్.. ఆ త‌రువాత రెండో వేవ్.. రెండింటి మూలంగా అనేక రంగాల‌కు తీవ్ర‌మైన న‌ష్టం వాటిల్లింది. వాటిల్లో సినీ రంగం కూడా ఒక‌టి. చాలా చిత్రాలు నిర్మాణ ద‌శ‌లో ఆగిపోగా.. కొన్ని నిర్మాణం పూర్తి చేసుకుని పోస్ట్ ప్రొడక్ష‌న్ వ‌ద్ద నిలిచాయి. కొన్ని విడుద‌ల‌కు సిద్ధ‌మ‌య్యాయి. అలాంటి స‌మ‌యాల్లో క‌రోనా రెండు ద‌శలు వ‌చ్చి నాశ‌నం చేశాయి. దీంతో సినిమాల‌ను ఏదో ఒక విధంగా పూర్తి చేసి చాలా మంది నిర్మాత‌లు ఓటీటీల‌కు ఇచ్చేశారు. న‌ష్టాల‌ను త‌గ్గించుకున్నారు.
అయితే అంతా బాగానే ఉంది, స‌ద్దుమ‌ణుగుతోంది.. అనుకుంటున్న త‌రుణంలో టాలీవుడ్‌ను మ‌రోసారి క‌రోనా భ‌యం వెంటాడుతోంది. ప్ర‌పంచ‌వ్యాప్తంగా ఇప్ప‌టికే 38 దేశాల్లో క‌రోనా కొత్త వేరియెంట్ ఒమిక్రాన్ పంజా విసురుతోంది. రెండు తెలుగు రాష్ట్రాల్లోనూ తాజాగా ఒమిక్రాన్ కేసులు వెలుగు చూశాయి. దీంతో కోవిడ్ మూడో ద‌శ వ‌స్తుంద‌ని నిపుణులు హెచ్చ‌రిస్తున్నారు. ఈ క్ర‌మంలో క‌రోనా పేరు చెబితేనే టాలీవుడ్ భ‌య‌ప‌డుతోంది.
ప్ర‌స్తుతానికి ఒమిక్రాన్ వేరియెంట్ ప్ర‌భావం అంత‌గా లేదు. రెండు తెలుగు రాష్ట్రాల్లోనూ 100 శాతం ఆక్యుపెన్సీతో థియేట‌ర్ల‌ను ర‌న్ చేస్తున్నారు. అయితే ముందు ముందు కేసులు పెరిగితే ముందుగా స్కూళ్లు, సినిమా థియేట‌ర్ల‌పైనే వేటు ప‌డుతుంది. క‌నుక రానున్న రోజుల్లో పెరిగే కేసుల సంఖ్యపై టాలీవుడ్ భ‌విత‌వ్యం ఆధార‌ప‌డి ఉంటుంద‌ని చెప్ప‌వ‌చ్చు. కేసుల సంఖ్య పెరిగితే గ‌న‌క క‌చ్చితంగా ఆంక్ష‌ల‌ను విధిస్తారు. అప్పుడు ముందుగా మూత ప‌డేది థియేట‌ర్లేన‌ని చెప్ప‌వ‌చ్చు. దీంతో టాలీవుడ్‌కు మ‌రోమారు క‌రోనా భ‌యం ప‌ట్టుకుంద‌ని తెలుస్తోంది.
అయితే ఇప్ప‌టిక‌ప్పుడు జ‌రిగే న‌ష్టం ఏమీ లేక‌పోయినా.. కోవిడ్ మూడో వేవ్ వ‌చ్చి థియేట‌ర్లు మూత ప‌డితే పెద్ద సినిమాల‌కు చాలా న‌ష్ట‌మే జ‌రుగుతుంద‌ని చెప్ప‌వ‌చ్చు. ఎందుకంటే ఇప్ప‌టికే రిలీజ్ డేట్స్‌ను కూడా ప్ర‌క‌టించేశారు. ఈ త‌రుణంలో థియేట‌ర్లు మూత ప‌డితే సినిమాల‌ను మ‌ళ్లీ వాయిదా వేయాల్సి వ‌స్తుంది. ఆ త‌రువాత 6 నెల‌లకు గానీ మూడో వేవ్ త‌గ్గే అవ‌కాశం ఉండదు. అప్ప‌టికి మ‌రిన్ని సినిమాల‌కు విడుద‌ల‌కు సిద్ధ‌మ‌వుతాయి. దీంతో సినిమాల మ‌ధ్య గ‌ట్టి పోటీ ఉంటుంది. అప్పుడు థియేట‌ర్లు దొర‌క‌వు. దీంతో అది కొత్త స‌మ‌స్య‌కు దారి తీస్తుంది. ఇలాంటి ప‌రిస్థితుల్లో క‌రోనా మూడో వేవ్ రావొద్ద‌నే టాలీవుడ్ కోరుకుంటోంది. మ‌రి ముందు ముందు ఏం జ‌రుగుతుందో చూడాలి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…