Suma : బుల్లితెర రారాణి సుమ గురించి ప్రత్యేకంగా పరిచయం చేయనక్కర్లేదు. ఎన్నో షోస్, మరెన్నో ఈవెంట్స్, మరెన్నో సీరియల్స్.. కొన్ని దశాబ్ధాలుగా ప్రేక్షకులని ఎంతగానో అలరిస్తూ వస్తున్న సుమకు వెండితెరపై చేసేస్తే పోలా అనే ఆలోచన వచ్చింది. గత కొన్ని రోజులుగా సుమ సినిమాల్లోకి ఎంట్రీ ఇస్తుందని వార్తలు వచ్చాయి. ఈ క్రమంలోనే సుమ స్వయంగా క్లారిటీ ఇచ్చారు.
ఓ వీడియో ద్వారా సుమ సినిమాలు చేసేస్తే పోలా అని చెప్పింది. పలువురు సెలబ్రిటీలు తన గురించి మాట్లాడిన వీడియో క్లిప్స్ కట్ చేసి ఓ వీడియో రెడీ చేసి.. ”ఇంతమంది అడుగుతున్నారంటే చేసేస్తే పోలే” అని సుమ పేర్కొన్నారు. సుమ సినిమాలు చేస్తే కోట్లలో రెమ్యునరేషన్ ఇస్తారంటూ కూడా ఆ వీడియోలో ఉంది. ఇప్పటికే సుమ భర్త సినిమాలు చేస్తున్నారు. తనయుడిని సినిమాలలోకి తెచ్చే ఏర్పాట్లు కూడా చేశారు.
సుమ తనయుడు రోషన్.. నిర్మలా కాన్వెంట్ చిత్రంలో ఒక పాత్రలో నటించారు. పూర్తి స్థాయి హీరోగా కనిపించేందుకు కూడా సిద్ధమయ్యారు. ఆ మధ్య రోహన్ మొదటి చిత్రం పూజా కార్యక్రమాలు పూర్తి అయ్యాయి. మరోవైపు సుమ కుమార్తె కూడా సినీ ఇండస్ట్రీలోకి వచ్చేందుకు ఆసక్తిని చూపుతున్నట్లు తెలుస్తోంది.
Anchor Suma Back To Acting In Movies#suma pic.twitter.com/Iqg5nPVz9b
— Gulte (@GulteOfficial) November 2, 2021