Shruti Haasan : అనగనగా ఒక ధీరుడు సినిమాతో తెలుగు తెరకు పరిచయం అయిన శృతి హాసన్ గబ్బర్ సింగ్ చిత్రంతో అందరి దృష్టిలో పడింది. ఇక అక్కడ నుండి తన సత్తా చాటుకుంటూ దూసుకుపోతోంది. ప్రస్తుతం సీనియర్ హీరోలకు ఫస్ట్ చాయిస్గా మారింది శృతి హాసన్. ప్రభాస్ సలార్ సినిమాలో నటిస్తూనే బాలయ్య, చిరంజీవి సినిమాలకు ఓకే చెప్పింది. ప్రస్తుతం కెరీర్ పరంగా దూసుకుపోతున్న శృతి హాసన్ ప్రేమాయణంలోనూ తగ్గేదేలే అంటోంది. శాంతనుతో ఈ అమ్మడు చేస్తున్న రచ్చ మాములుగా ఉండడం లేదు. పబ్లిక్గానే హగ్గులు, ముద్దుల వరకు వెళ్లింది.

సోషల్ మీడియాలో చాలా యాక్టివ్గా ఉండే శృతి హాసన్ అప్పుడప్పుడు నెటిజన్స్తో పలు విషయాలపై చర్చిస్తూ ఉంటుంది. ఈ క్రమంలో ఆమెకు కొన్ని విచిత్ర ప్రశ్నలు కూడా ఎదురవుతూ ఉంటాయి. తాజాగా ఓ నెటిజెన్.. మీ శరీరంలో ఎన్ని పార్ట్స్ కి సర్జరీలు చేయించుకున్నారని అడిగాడు. ఈ ప్రశ్నకు శృతి ఒకింత అసహనానికి గురైంది. నీ పని నువ్వు చూసుకో అంటూనే.. అడిగావు కాబట్టి చెబుతున్నాను. ముక్కుకి మాత్రమే సర్జరీ చేయించుకున్నాను అంటూ సమాధానం ఇచ్చింది. దీంతో ఇన్నాళ్లూ ఆమెకు సంబంధించి వస్తున్న పలు పుకార్లకి ఫుల్స్టాప్ పడింది.
చిన్న వయసులోనే సింగర్గా శృతి హాసన్ తన ప్రయాణాన్ని మొదలెట్టింది. ఆ తర్వాత కొన్ని ఆల్బమ్లు కూడా చేసింది. ఇలా సాగిపోతోన్న సమయంలోనే 2000లో వచ్చిన హే రామ్ అనే చిత్రంలో చిన్న పాత్ర చేసింది. అనంతరం లక్ అనే హిందీ మూవీలోనూ నటించింది. ఇక, తెలుగులో వచ్చిన అనగనగా ఓ ధీరుడుతో శృతి హీరోయిన్గానూ ప్రయాణం మెదలెట్టింది. ఇప్పుడు బాలయ్య – గోపీచంద్ మలినేని మూవీతో పాటు చిరంజీవి 154వ చిత్రంలోనూ కథానాయికగా శృతి హాసన్ నటిస్తోంది.