Hari Hara Veera Mallu : ప‌వ‌న్ క‌ల్యాణ్, నిధి అగ‌ర్వాల్ ప్ర‌ధాన పాత్ర‌ల్లో క్రిష్ ద‌ర్శ‌క‌త్వంలో తెర‌కెక్కుతున్న మూవీ.. హ‌రి హ‌ర వీర‌మ‌ల్లు. పీరియాడిక్ యాక్ష‌న్ డ్రామాగా రూపొందుతున్న ఈ మూవీలో ప‌వ‌న్ బందిపోటు దొంగ పాత్ర‌లో న‌టిస్తున్నారు. దీంతోఈ మూవీపై ప్రేక్ష‌కుల్లో అంచ‌నాలు భారీగా పెరిగిపోయాయి. వాస్త‌వానికి ఈ మూవీ ఎప్పుడో రిలీజ్ కావ‌ల్సి ఉంది. కానీ క‌రోనా వ‌ల్ల షూటింగ్ ఆల‌స్యం అవుతూ వ‌చ్చింది. దీంతో బ‌డ్జెట్ భారీగా పెరిగిపోయింది. అయితే క‌రోనా ప్ర‌భావం త‌గ్గాక ఈ మూవీ షూటింగ్ ప్రారంభం అయినా.. ఇప్ప‌టి వరకు కేవ‌లం ఫ‌స్టాఫ్‌ను మాత్ర‌మే షూటింగ్ చేశారు. అది కూడా కొన్ని సీన్లు ప‌వ‌న్‌కు న‌చ్చ‌లేద‌ట. దీంతో వాటికి మార్పులు చేయాల‌ని క్రిష్‌కు ప‌వ‌న్ సూచించార‌ట.
అయితే క్రిష్ ఆ సీన్లలో మార్పులు చేసేందుకు అంగీక‌రించ‌లేద‌ని స‌మాచారం. దీంతో హ‌రి హ‌ర వీర‌మ‌ల్లు షూటింగ్ ఆగిపోయింది. ఆ మార్పులు చేసేవ‌ర‌కు తాను షూటింగ్‌లో పాల్గొన‌బోన‌ని ప‌వ‌న్ క‌చ్చితంగా చెప్పేశార‌ట. దీంతో ఈ మూవీ సందిగ్దంలో ప‌డిపోయింది. మ‌రోవైపు అక్టోబ‌ర్ నుంచి ప‌వ‌న్ 6 నెల‌ల పాటు బ‌స్సు యాత్ర చేస్తారు. త‌రువాత ఎన్నిక‌ల హ‌డావిడి మొద‌ల‌వుతుంది. ఈ క్ర‌మంలోనే ఈ మూవీ అట‌కెక్కిన‌ట్లే అని ప్ర‌చారం జ‌రిగింది. దీంతో ఆందోళ‌న చెందిన నిర్మాత ఏఎం ర‌త్నం ఇద్ద‌రికీ స‌యోధ్య కుదిర్చే ప‌నిలో ప‌డ్డారు. ఆయ‌న విజ‌య‌వంతం అయిన‌ట్లు కూడా తెలుస్తోంది. హ‌రి హ‌ర వీర‌మ‌ల్లు విష‌యంలో ప‌వ‌న్ చెప్పిన మార్పులు చేసేందుకు క్రిష్ అంగీక‌రించేలా ర‌త్నం ఒత్తిడి తెచ్చార‌ట. దీంతో క్రిష్ ఇందుకు అంగీక‌రించిన‌ట్లు తెలుస్తోంది.
Hari Hara Veera Mallu
అయితే మూవీ షూటింగ్‌కు ప‌వ‌న్ అక్టోబ‌ర్ వరకు మాత్ర‌మే స‌మ‌యం ఇచ్చార‌ని తెలుస్తోంది. ఆ లోపు ఇంత పెద్ద మూవీని షూటింగ్ పూర్తి చేయ‌డం అవుతుందా.. అని సందేహాలు వ‌స్తున్నాయి. అయినప్పటికీ నిర్మాత ఏఎం ర‌త్నం ఎలాగో మూవీని పూర్తి చేసి విడుద‌ల చేయాల‌ని చూస్తున్నార‌ట. అలా జరిగితే ఇప్ప‌టి వరకు వ‌చ్చిన న‌ష్టాన్ని కాస్త‌యినా భ‌ర్తీ చేసుకోవ‌చ్చు. అలా కాకుండా మూవీ షూటింగ్ ఇంకా ఆల‌స్యం అయితే సినిమాకు ఇంకా ఎక్కువగానే న‌ష్టం వ‌స్తుంది. క‌నుక ర‌త్నం.. క్రిష్, ప‌వ‌న్‌ల‌తో మాట్లాడి వారికి స‌యోధ్య‌ను కుదిర్చార‌ని తెలుస్తోంది. దీంతో మూవీ షూటింగ్ త్వ‌ర‌లోనే ప్రారంభం కానుంద‌ని స‌మాచారం. ఇది ప‌వ‌న్ అభిమానుల‌కు నిజంగా శుభ‌వార్తే అని చెప్ప‌వ‌చ్చు.
ఇక హ‌రి హ‌ర వీర‌మ‌ల్లుతోపాటు వినోద‌య సీత‌మ్ అనే మూవీ రీమేక్‌ను కూడా ప‌వ‌న్ ఇదే స‌మ‌యంలో పూర్తి చేయాల‌ని చూస్తున్నార‌ట. మ‌రి రెండు సినిమాల షూటింగ్ ఒకేసారి అవుతుందా.. కాదా.. అన్న‌ది వేచి చూస్తే తెలుస్తుంది. ఇక హ‌రి హ‌ర వీర‌మ‌ల్లుకు బెన్ లాక్ గ్రాఫిక్స్ చేస్తున్నారు. ఈయ‌న ఆక్వామాన్‌, స్టార్ వార్స్ వంటి హాలీవుడ్ మూవీల‌కు గ్రాఫిక్స్ చేశారు. దీంతో అత్యద్భుత‌మైన గ్రాఫిక్స్‌ను ఇందులో చూసేందుకు అవ‌కాశం ల‌భించ‌నుంది. ఇక నిధి అగ‌ర్వాల్‌తోపాటు బాలీవుడ్ న‌టి నోరా ఫ‌తేహి, న‌టుడు అర్జున్ రామ్ పాల్ కూడా ఈ మూవీలో కీల‌క‌పాత్ర‌ల్లో న‌టించ‌నున్న‌ట్లు తెలుస్తోంది.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…