Sherlyn Chopra : అశ్లీల చిత్రాలను తీస్తూ అక్రమంగా డబ్బులు సంపాదిస్తున్న కేసులో భాగంగా ముంబై పోలీసులు నటి శిల్పాశెట్టి భర్త రాజ్ కుంద్రాను అరెస్టు చేసిన సంగతి తెలిసిందే. ఈ క్రమంలోనే శిల్పా శెట్టి దంపతులపై నిరాధారమైన ఆరోపణలు చేసినందుకు గాను వారి పరువుకు భంగం కలుగుతుందని భావించిన శిల్పాశెట్టి దంపతులు షెర్లిన్ చోప్రాపై పరువునష్టం కేసు వేయడమే కాకుండా బహిరంగంగా క్షమాపణలు చెప్పి రూ.50 కోట్లను నష్ట పరిహారంగా చెల్లించాలని కోర్టులో పిటిషన్ వేశారు.
కాగా లీగల్ నోటీసు అందుకున్న షెర్లిన్ చోప్రా తనదైన శైలిలో సమాధానం చెబుతూ శిల్పాశెట్టి దంపతులకు షాక్ ఇచ్చింది. ఈ క్రమంలోనే షెర్లిన్ చోప్రా స్పందిస్తూ తాను చేస్తున్న న్యాయపోరాటాన్ని అడ్డుకోవడం కోసం డిఫేమేషన్ సూట్‌ను ఓ అస్త్రంగా వాడుకొని శిల్పాశెట్టి దంపతులు.. అండర్ వరల్డ్ మాఫియాతో తనను బెదిరిస్తున్నారని పేర్కొంది.
అండర్ వరల్డ్ మాఫియాతో తనను బెదిరిస్తూ మానసిక వేదనకు గురి చేస్తున్న శిల్పాశెట్టి దంపతులు రూ. 75 కోట్ల రూపాయల నష్టపరిహారం ఇవ్వాలని షెర్లిన్ చోప్రా శిల్పాశెట్టి దంపతులకు షాప్ కౌంటర్ వేసింది. శిల్పా శెట్టి దంపతుల బెదిరింపులకు తాను భయపడనని.. అయితే పోలీసులు ముందుగా తన కేసు తీసుకోవాలంటూ ఈ సందర్భంగా పోలీసులను వేడుకుంది.
