Sarkaru Vaari Paata First Review : యంగ్ డైరెక్ట‌ర్ ప‌ర‌శురామ్ ద‌ర్శ‌క‌త్వంలో.. సూప‌ర్ స్టార్ మ‌హేష్ బాబు.. కీర్తి సురేష్ హీరో హీరోయిన్లుగా వ‌చ్చిన చిత్రం.. స‌ర్కారు వారి పాట. ఈ సినిమా మే 12న భారీ ఎత్తున రిలీజ్ కానుంది. ఈ క్ర‌మంలోనే 2 ఏళ్ల నుంచి ఫ్యాన్స్ ఈ మూవీ కోసం ఎంతో ఆసక్తిగా ఎదురు చూస్తున్నారు. ఇక అనేక కార‌ణాల వ‌ల్ల వాయిదా ప‌డుతూ వ‌చ్చిన ఈ మూవీ ఎట్ట‌కేల‌కు విడుద‌ల‌వుతోంది. దీంతో సినిమాను ఎప్పుడెప్పుడు చూద్దామా.. అని ప్రేక్ష‌కులు ఎంతో ఆసక్తిగా ఎదురు చూస్తున్నారు. అయితే ఈ సినిమాకు గాను అమెరికాలో ఒక రోజు ముందుగానే ప్రీమియ‌ర్స్ వేస్తార‌న్న సంగ‌తి తెలిసిందే. ఆ ప్రీమియ‌ర్ షోను చూసిన రివ్యూయ‌ర్ ఉమైర్ సంధు స‌ర్కారు వారి పాట సినిమాకు రివ్యూ ఇచ్చారు. ఈ సినిమా ఎలా ఉందో ఆయ‌న చెప్పేశారు. ఈ మేర‌కు ఆయ‌న ట్వీట్ చేశారు.
స‌ర్కారు వారి పాట సినిమా అంచనాల‌కు మించి ఉంద‌ని ఉమైర్ సంధు అన్నారు. మ‌హేష్ ప‌వ‌ర్ ప్యాక్డ్ యాక్ష‌న్, మాస్ సీన్ల‌ను ఇందులో చూడ‌వ‌చ్చ‌ని.. దీంతో మ‌హేష్‌ను ఎలాగైతే చూడాల‌నుకున్నారో.. ఫ్యాన్స్‌కు ఆ కోరిక నెర‌వేరుతుంద‌న్నారు. మాస్ ప్రేక్ష‌కుల‌కు అయితే ఈ మూవీని చూస్తే పూన‌కాలు రావ‌డం ఖాయ‌మ‌ని అన్నారు. ఈ మూవీ బాక్సాఫీస్ వ‌ద్ద బంప‌ర్ హిట్ అవుతుంద‌ని.. దీంతో మ‌హేష్ హ్యాట్రిక్ విజ‌యం సొంతం చేసుకోవ‌డం ఖాయ‌మ‌ని అన్నారు.
ఇక ఈ మూవీకి థ‌మ‌న్ సంగీతం అందించారు. ఆయ‌న స్వ‌ర ప‌రిచిన పాట‌లు అద్భుతంగా ఉన్నాయి. మొద‌ట్లో విడుద‌లైన క‌ళావ‌తి పాట‌తోపాటు త‌రువాత వ‌చ్చిన పెన్నీ సాంగ్.. ఈ మ‌ధ్యే విడుద‌లైన సినిమా టైటిల్ సాంగ్ అన్నీ అద్భుతంగా ఉన్నాయి. దీంతో ప్రేక్ష‌కుల‌కు ఈ మూవీ చక్క‌ని వినోదం అందించ‌డం ఖాయంగా క‌నిపిస్తోంది.
