Samantha : సమంత – నాగ చైతన్య విడాకుల వ్య‌వ‌హారాన్ని ఇంకా అభిమానులు జీర్ణించుకోలేక‌పోతున్నారు. ఎంతో ఆప్యాయంగా ఉండే వీరు స‌డెన్‌గా డైవోర్స్ తీసుకోవ‌డంపై అంద‌రూ ఆశ్చ‌ర్యం వ్యక్తం చేస్తున్నారు. చైతన్య, సమంతల మధ్య ఏం జరిగి ఉంటుంది ? ఎందుకు విడాకులు తీసుకుని ఉంటారు ? అనే వాటిపై జోరుగా చ‌ర్చ‌లు కూడా చేస్తున్నారు. అయితే ప‌లువురు ప్ర‌ముఖులు డైవోర్స్‌కి ముందు వారు ఎలా ఉండేవాళ్లు, వారి ప్లాన్స్ ఏంట‌నే విష‌యాల‌ని బ‌హిర్గ‌తం చేస్తూ వ‌స్తున్నారు.
‘శాకుంతలం’ నిర్మాత నీలిమ గుణ తాజాగా ఆమె ఓ జాతీయ మీడియా సంస్థతో మాట్లాడుతూ.. చై-సామ్ విడాకులపై ఆసక్తికర విషయాలను వెల్లడించింది. శాకుంతం సినిమా కోసం మా నాన్న స‌మంత‌ని సంప్ర‌దించిన‌ప్పుడు ఆమె సినిమాలు చేయట్లేద‌ని చెప్పింది. ఫ్యామిలీ ప్లానింగ్ చేస్తున్నామ‌ని చెప్పిన స‌మంత‌కు శాకుంతలం క‌థ న‌చ్చ‌డంతో ఓకే చెప్పింది. కొన్ని కండీష‌న్స్‌తో శాకుంతలం చిత్రానికి గ్రీన్ సిగ్న‌ల్ ఇచ్చిన సమంత జూలై, ఆగస్ట్‌ కల్లా షూటింగ్ పూర్తిచేయాలని సామ్ కోరడంతో.. మేము ఓకే చెప్పి అలానే ప్లాన్‌ చేసుకున్నాం.
పిల్ల‌లని క‌నాల‌ని అనుకున్న ఈ జంట స‌డెన్‌గా ఎందుకు విడాకులు తీసుకుంటున్నార‌నేది అర్ధం కాని ప్ర‌శ్న‌గా మారిందని చెప్పింది నీలిమ. కాగా, కొద్ది రోజులుగా స‌మంత‌పై దారుణంగా ట్రోలింగ్ జ‌రుగుతున్న నేప‌థ్యంలో పోస్ట్ ద్వారా సామ్ స్పందించిన విష‌యం తెలిసిందే. విడాకులు అనేది ఎంతో బాధగా ఉంటుంది. ఇలా నా మీద వ్యక్తిగతంగా దాడి చేస్తున్నారు.. కానీ ఇవేవీ కూడా నన్ను ముక్కలు చేయలేవు. వెనక్కి నెట్టలేవు.. అని సమంత ఎమోషనల్ అయింది. ప్ర‌స్తుతం సామ్ ఓ త‌మిళ సినిమాతో బిజీగా ఉండ‌గా, రానున్న రోజుల‌లో మూడు సినిమాలు అనౌన్స్ చేయ‌నున్న‌ట్టు స‌మాచారం.
