Romantic Movie Review : తెలుగు చిత్ర‌సీమ‌లో ఎంతో మంది హీరోల‌ను స్టార్స్‌గా మార్చిన ద‌ర్శ‌కుడు పూరీ జగన్నాథ్ తన త‌న‌యుడు ఆకాశ్ పూరీని కూడా మంచి హీరోగా నిల‌బెట్టాల‌ని ఎంతో కృషి చేస్తున్నాడు. ‘మెహ‌బూబా’ చిత్రంతో ఆకాష్‌ను మంచి మాస్ హీరోగా తెర‌కు ప‌రిచ‌యం చేసే ప్ర‌య‌త్నం చేశారు పూరీ. ఈ సినిమా అంత‌గా అల‌రించ‌లేక‌పోయింది. ఇప్పుడు తన శిష్యుడి ద‌ర్శ‌క‌త్వంలో రొమాంటిక్ అనే సినిమా రూపొందించాడు పూరీ.
రొమాంటిక్ చిత్రానికి కథ అందించ‌డంతోపాటు స్వ‌యంగా నిర్మించారు పూరీ. ఈ సినిమాతోనే కేతిక శ‌ర్మను కథానాయికగా.. అనిల్ పాదూరిని ద‌ర్శ‌కుడిగా తెర‌కు ప‌రిచ‌యం చేశారు. సినిమా గోవాలో ఇద్దరు గ్యాంగ్ స్టర్స్ మధ్య వార్ నేప‌థ్యంలో సాగుతుంది. వాస్కోడిగామా (ఆకాష్ పూరి) ఓ అనాథ. తన లాంటి అనాథ‌ల కోసం ఇళ్లు క‌ట్టించాల‌ని చిన్న‌ప్పుడే ల‌క్ష్యంగా పెట్టుకుంటాడు. అయితే డబ్బు సంపాద‌న కోసం నేర సామ్రాజ్యంలోకి అడుగు పెడ‌తాడు.
నాన్నమ్మ మేరీ (రమా ప్రభ) దగ్గర బస్తీలో పెరుగుతాడు. తినడానికి తిండి.. ఉండటానికి ఇల్లు లేని ఆ బస్తీ వాళ్లకి ఏదైనా చేయాలనే సంకల్పంతో రాంగ్ వేలో డబ్బు సంపాదించడం మొదలుపెడతాడు. తన ఆశయం నెరవేర్చుకోవడం కోసం.. గ్యాంగ్ స్టర్‌గా మారతాడు. ఈ క్రమంలోనే తన తండ్రి చావుకి కారణమైన పోలీస్ అధికారిని చంపేస్తాడు. అతన్ని పట్టుకోవడానికి వచ్చిన పోలీస్ ఆఫీసర్ రమ్య గోవరికర్ (రమ్యకృష్ణ). వాస్కోడిగామా ఆగడాలకు రమ్య అత‌నికి ఎలా క‌ళ్లెం వేసింది అని ఆస‌క్తిక‌రంగా చూపించారు.
పోకిరి, ఇడియట్, దేశముదురు, రోగ్, లోఫర్, హార్ట్ ఎటాక్, 143 ఈ సినిమాలన్నింటినీ మిక్స్ కొట్టినట్టుగానే కథ అనిపించినా.. ఎక్కడా బోర్ కొట్టకుండా రేసీ స్క్రీన్ ప్లే‌తో రొమాంటిక్‌ని ముందుకు నడిపించారు. సునీల్ కశ్యప్ మ్యూజిక్ ఈ సినిమా స్థాయిని పెంచింది. ‘రొమాంటిక్’ సీన్లతోపాటు యాక్షన్ ఎపిసోడ్‌కి కశ్యప్ బ్యాగ్రౌండ్ స్కోర్ అదిరింది. ప్రీ ఇంటర్వెల్ అండ్ క్లైమాక్స్ సీన్లలో బ్యాక్ గ్రౌండ్ స్కోర్ బాగుంది. న‌టీన‌టుల ప‌ర్‌ఫార్మెన్స్ కూడా బాగుంది. ఈ చిత్రం ప‌క్కాగా యూత్ ఫుల్ ఎంట‌ర్‌టైన‌ర్ అని చెప్పాలి.
ఈ సినిమాకు పూరీ జగన్నాథ్ కథ, కథణం, స్క్రీన్ ప్లే అందించడంతో.. ఇది పూర్తిగా ఆయన సినిమాలాగే అనిపిస్తుంది. పూరీ గ‌త సినిమాల్లో హీరోలు ఎలా ఉంటారో, ఈసినిమాలోనూ అలానే ఉంటాడు. `కర్‌లో యా మ‌ర్‌లో` అనే త‌త్వం హీరోది. లాజిక్‌లను పక్కనపెట్టి.. మ్యాజిక్‌ని నమ్ముకునే పూరీ.. ఇందులో కూడా తనకు తగినట్లుగా సీన్స్‌ రాసుకున్నాడు. ప్రతి సీన్‌లోనూ, డైలాగ్స్‌లోనూ పూరీ మార్క్‌ కొట్టొచ్చినట్లు కనిపిస్తుంది. వినోదం కోసం అయితే ఈ మూవీని ఒకసారి చూడొచ్చు.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయికగా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…