RGV : మ‌రో బిగ్ బాస్ భామతో ఆర్జీవీ ర‌చ్చ చేయ‌బోతున్నాడా..!

RGV : సంచ‌ల‌న ద‌ర్శ‌కుడు రామ్ గోపాల్ వ‌ర్మ నిత్యం ఏదో ఒక టాపిక్‌తో వార్త‌ల‌లో నిలుస్తూ ఉంటారు. సెల‌బ్స్‌పై కామెంట్స్ చేయ‌డమో లేక స‌మాజంలో జ‌రిగే ఇష్యూస్ పైన‌నో త‌న‌దైన శైలిలో స్పందిస్తూ ఉంటారు. ఈ క్ర‌మంలోనే ఆయ‌న పేరు హాట్ టాపిక్‌గా మారుతూ ఉంటుంది. ఈ మ‌ధ్య కాలంలో వ‌ర్మ అమ్మాయిల‌తో తెగ ర‌చ్చ చేస్తుండ‌డం చ‌ర్చ‌నీయాంశంగా మారుతోంది. అరియానా, అషూ రెడ్డి వంటి బిగ్ బాస్ భామ‌ల‌తో సంద‌డి చేసిన వ‌ర్మ ఇప్పుడు మ‌రో బిగ్ బాస్ భామ‌తో కేక పెట్టించ‌బోతున్నాడ‌ట‌.

అరియానా, అషూ రెడ్డితో ఇంట‌ర్వ్యూలు అని చెప్పి ఆ ఎపిసోడ్‌ని ఎంత గ్లామ‌ర‌స్‌గా వ‌ర్మ తీర్చిదిద్దాడో ప్ర‌త్యేకంగా చెప్ప‌న‌క్క‌ర్లేదు. ఇప్పుడు ఓ ప్రముఖ మీడియా సంస్థ తెలుగు బిగ్ బాస్ సీజన్ 5 కంటెస్టెంట్ అయిన లహరితో రామ్ గోపాల్ వర్మ ఇంటర్వ్యూను ప్లాన్ చేసింద‌ట‌. దీనికి ల‌హ‌రి ఓకే అన్న‌ట్టుగా స‌మాచారం. ఇప్పటికే ఇంటర్వ్యూ డేట్ కూడా ఫిక్స్ చేశారని, త్వరలోనే ఆ ఇంటర్వ్యూ వీడియోలు మన ముందుకు రాబోతున్నాయని ఇండస్ట్రీలో టాక్ నడుస్తోంది.

వ‌ర్మతో ఇంట‌ర్వ్యూ అంటే ఆయ‌న ఏ రేంజ్‌లో అందాలను అభివర్ణిస్తూ మనసులోని భావాలను నిర్మొహమాటంగా బయట పెట్టేశారో మ‌నం చూశాం. అషుతో ఇంటర్వ్యూ సమయంలో అయితే ఒకానొక సందర్భంలో తన కాళ్ళు తాకి నువ్వు నిజంగా చాలా తెలివైన అమ్మాయి, నా దృష్టిలో దేవతలతో సమానం అంటూ అషుని మాటల్లో పెట్టాడు. ఇప్పుడు లహరితో ఇంటర్వ్యూ అంటూ ఎంత ర‌చ్చ చేస్తాడో అని అంద‌రూ ఎదురు చూస్తున్నారు.