Pushpa : ఆర్య, ఆర్య 2 లాంటి సూపర్ హిట్ సినిమాల తర్వాత సుకుమార్ – అల్లు అర్జున్ కాంబినేషన్లో రూపొందుతున్న చిత్రం పుష్ప. ఈ చిత్రం రెండు పార్ట్లుగా తెరకెక్కుతుండగా, తొలి పార్ట్ని డిసెంబర్ 17న విడుదల చేస్తారని గతంలో అనౌన్స్ చేశారు. ఇక ఇటీవల డిసెంబర్ 27న విడుదల కానుందని ప్రచారం జరిగింది. అలాగే మూవీ ట్రైలర్ రిలీజ్ డేట్పై కూడా అభిమానులలో పలు అనుమానాలు నెలకొని ఉండగా, తాజాగా మేకర్స్ క్లారిటీ ఇచ్చారు.
పుష్ప చిత్రాన్ని డిసెంబర్ 17న విడుదల చేయనుండగా, డిసెంబర్ 6న ట్రైలర్ రిలీజ్ చేయనున్నట్టు ప్రకటించారు. ఈ ట్రైలర్ ఫ్యాన్స్కి పూనకాలు తెప్పిస్తుందని అంటున్నారు. ఈ సినిమా ప్రారంభమైన నాటి నుంచి సినిమా మీద భారీ అంచనాలు నెలకొని ఉన్నాయి. ఈ సినిమాలో మొట్టమొదటిసారిగా అల్లు అర్జున్ డీ గ్లామర్ లుక్ లో కనిపిస్తున్నాడు. అలాగే ఇప్పటివరకు నటించని విధంగా ఈ సినిమాలో నటించబోతున్నాడు అంటూ ముందు నుంచీ ప్రచారం జరుగుతోంది.
సినిమా పూర్తిగా చిత్తూరు జిల్లా నేపథ్యంలో అక్కడి శేషాచలం అడవుల్లో జరుగుతోంది. ఈ సినిమాలో ఆయన ఎర్ర చందనం స్మగ్లింగ్ చేసే ఒక లారీ డ్రైవర్ పాత్రలో నటిస్తున్నాడని అంటున్నారు. ఇప్పటికే ఈ సినిమాను రెండు భాగాలుగా రిలీజ్ చేస్తున్నట్లు సినిమా యూనిట్ అధికారికంగా ప్రకటించింది.
ఐదు భాషల్లో ఏక కాలంలో విడుదల కాబోతున్న ఈ సినిమాలో అల్లు అర్జున్ సరసన రష్మిక మందన్న హీరోయిన్ గా నటిస్తుండగా మైత్రి మూవీ మేకర్స్ వారు భారీ బడ్జెట్ తో నిర్మిస్తున్నారు. ఫహాద్ ఫాజిల్, సునీల్, యాంకర్ అనసూయ తదితరులు కీలక పాత్రల్లో నటిస్తున్నారు.