Puneeth Rajkumar : కన్నడ పవర్స్టార్గా ఎంతో పేరు ప్రఖ్యాతులు సంపాదించుకున్న పునీత్ రాజ్కుమార్ మరణవార్త ఆయన అభిమానులను తీవ్రంగా కలచి వేస్తోంది. ఆయన రీల్ లైఫ్లోనే కాదు.. రియల్ లైఫ్లోనూ హీరోయే. ఎంతో మందిని చేరదీసి ఆశ్రయం ఇస్తున్నారు. మరెంతో మందిని దత్తత తీసుకుని చదువు చెప్పిస్తున్నారు. అలాంటి ఆయన హఠాన్మరణం ఎంతో మందిని శోక సంద్రంలో నింపింది.
పునీత్ రాజ్ కుమార్ ఎల్లప్పుడూ వ్యాయామం చేస్తుంటారు. అందులో భాగంగానే జిమ్లో ఎక్కువగా గడుపుతుంటారు. ఫిట్ నెస్కు అధిక ప్రాధాన్యతను ఇస్తూ ఫిట్గా ఉంటారు. అయితే ఆయన జిమ్ చేస్తూనే కుప్పకూలి పడిపోయి.. అనంతరం హాస్పిటల్లో చేరి.. కార్డియాక్ అరెస్ట్తో కన్నుమూశారు. దీంతో ఆయన మరణవార్తను ఎవరూ జీర్ణించుకోలేకపోతున్నారు. ఎల్లప్పుడూ ఫిట్గా కనిపించే ఆయన ఇలా గుండెపోటుతో చనిపోవడం అందరినీ షాక్కు గురి చేస్తోంది.
Best wishes for the entire team of #Bhajarangi2. @NimmaShivanna @NimmaAHarsha @JayannaFilms
— Puneeth Rajkumar (@PuneethRajkumar) October 29, 2021
కాగా పునీత్ రాజ్ కుమార్ చేసిన చివరి ట్వీట్ ఏది ? అంటూ నెటిజన్లు ఇప్పుడు పెద్ద ఎత్తున ఆరా తీస్తున్నారు. ప్రస్తుతం పునీత్ ద్విత్వ అనే మూవీలో నటిస్తుండగా.. ఆయన సోదరుడు శివరాజ్ కుమార్ నటించిన భజరంగి 2 చిత్ర యూనిట్కు ఆల్ ది బెస్ట్ చెబుతూ ఆయన చివరిసారిగా ట్వీట్ చేశారు. దీంతో పునీత్ చివరి ట్వీట్ వైరల్గా మారింది. ఏది ఏమైనా.. ఆయన ఆకస్మిక మరణం మాత్రం అందరినీ దిగ్భ్రాంతికి గురి చేస్తోందని చెప్పవచ్చు.