Nagarjuna : ప్రస్తుతం సినిమా ఇండస్ట్రీలో రీమేక్ సినిమాల హవా నడుస్తోంది. టాలీవుడ్ స్టార్ హీరోలందరూ పలు భాషలలో విడుదలై అద్భుతమైన విజయాలను అందుకున్న సినిమాలను తెలుగులో రీమేక్ చేస్తూ తెలుగులో కూడా మంచి విజయాలను అందుకుంటున్నారు. ఇప్పటికే మెగాస్టార్, పవర్ స్టార్, వెంకీ వంటి అగ్ర హీరోలు పలు రీమేక్ చిత్రాలలో నటిస్తూ మంచి విజయాలను అందుకున్నారు.
ఇప్పటివరకు పరభాషా చిత్రాలపై ఏమాత్రం కష్టపడకుండా తెలుగులో ఎన్నో కుటుంబ కథా చిత్రాలలో నటిస్తూ మంచి గుర్తింపు సంపాదించుకున్న నాగార్జున సైతం రీమేక్ చిత్రాలపై మనసు పారేసుకున్నట్టు తెలుస్తోంది. ఈ క్రమంలోనే మలయాళంలో ఎంతో అద్భుతమైన విజయాన్ని అందుకున్న ది గ్రేట్ ఇండియన్ కిచెన్ సినిమాను తెలుగులో రీమేక్ చేయాలని భావించారట.
జియో బేబీ దర్శకత్వం వహించగా.. నిమిషా సాజయన్, సూరజ్ వెంజరముడు కీలక పాత్రలో నటించిన ఈ సినిమాను నాగార్జున తెలుగులో రీమేక్ చేయాలని భావిస్తున్నారు. త్వరలోనే ఈ సినిమాకు సంబంధించి మరికొంత సమాచారాన్ని ప్రకటించనున్నట్లు తెలుస్తోంది. ఇక నాగార్జున ప్రస్తుతం బంగార్రాజు, ఘోస్ట్ చిత్రాలలో నటిస్తున్నారు.